Inflacioni i lartë dhe i qëndrueshëm kryesisht tek produktet e shportës ka shtyrë Bankën e Shqipërisë të rrisë përsëri normën bazë të interesit me 0.25%, duke e çuar në 3.25%.
“Ritmi i rënies së inflacionit erdhi në ngadalësim në tremujorin e tretë, ndërsa inflacioni bazë vijon të mbetet mbi objektiv. Inflacioni pritet të vijë në rënie graduale gjatë vitit të ardhshëm dhe të kthehet në objektiv në gjysmën e dytë të vitit 2024”.
Kjo nuk do të jetë rritja e fundit e normës bazë të interesit për këtë vit nëse inflacioni vijon të përkeqësohet, i cili për muajin shtator ishte 4.1%.
“Këshilli Mbikëqyrës thekson se presionet e larta inflacioniste nga ekonomia e brendshme mbeten një faktor rreziku për stabilitetin e çmimeve në vend dhe se balanca e rreziqeve ndaj inflacionit është zhvendosur për lart. Në këtë kontest, ai mbetet i gatshëm të vazhdojë procesin e normalizimit të qëndrimit të politikës monetare, nëse kjo masë do të konsiderohet e nevojshme për respektimin e objektivit tonë të inflacionit”.
Guvernatori thotë se një tjetër rritje çmimesh po ndodh për shkak të konfliktit Izrael-Palestinë, çka rrezikon kthimin e inflacionit në objektiv prej 3%.
“Inflacioni i artikujve të tjerë të shportës u shfaq relativisht i qëndrueshëm, ndërkohë që tensionet e shtuara gjeopolitike kanë sjellë rritje të çmimeve të naftës”.
Po ashtu Këshilli Mbikëqyrës i Bankës së Shqipërisë ka rritur me 0.25% edhe normën e interesit të kredisë njëditore, dhe interesin për depozitat një ditore.
Efekti i rritjes së normës bazë të interesit do të japë impakt të menjëhershëm tek shtrenjtimi i parasë, masë kjo që përdoret për të frenuar konsumin, në mënyrë që të balancohet kërkesa për produkte me ofertën që ka tregu. Ky vendim i Bankës së Shqipërisë do të përkthehet edhe në norma më të larta interesi për kreditë që japin bankat për qytetarët.
Komente
Duhet ta kishe cuar 5% si Amerika o governator idiot.
Përgjigju