Hekurudha shqiptare ka çelur tenderin për të bërë studimin për rehabilitimin e linjës ekzistuese të hekurudhës Rrogozhinë – Vlorë si dhe për të hartuar projekt-idenë për lidhjen e aeroportit te Vlorës me rrjetin ekzistues hekurudhor.
Synimi është që të ndërtohet linja që do të lidhë aeroportin e Vlorës me rrjetin ekzistues hekurudhor me qëllim lehtësimin e aksesit të udhëtarëve në aeroport në mënyrë më të shpejtë, të sigurt dhe më të qëndrueshme.
Tenderi me vlerë 95 milionë lekë do të jetë i hapur deri më 27 janar 2025, dhe më pas do të vlerësohen ofertat e paraqitura. Linja hekurudhore Rrogozhine- Fier- Vlore, është e gjate 84,3 km, por për shkak të mungesës se investimeve ne vite është amortizuar.
Përdorimi i transportit hekurudhor, do të sjellë uljen në një masë të konsiderueshme të transportit automobilistik, që do shoqërohet me uljen e aksidenteve njerëzore në transportin automobilistik si dhe një ndikim pozitiv në uljen e ndotjes së ajrit nga tymrat dhe gazrat.
Shpejtësia e lëvizjes parashikohet të jetë deri në 120 km/orë, ndërsa kategoria e linjës do të jetë D-4 – te UIC, me ngarkesë të lejuar boshtore 22.5 tonë/aks dhe gjatësore 8 tonë/ml.
Aktualisht qeveria shqiptare është duke rindërtuar linjën Tiranë-Durrës, si dhe duke ndërtuar lidhjen e kësaj linje me Aeroportin Ndërkombëtar të Tiranës.
Kliko këtu për të lexuar dokumentin e plotë
Kliko këtu për të lexuar termat e references
Komente
