Mbrëmë në “Staples Center” në Los Angeles është mbajtur ceremonia përkujtimore për Kobe Bryant dhe vajzën e tij, Gianna, të cilët ndërruan jetë më 26 janar në një aksident me helikopter bashkë me 7 persona të tjerë.
Shumë yje botërorë u mblodhën për të bërë homazhe për basketbollistin e njohur, Kobe Bryant dhe viktimat e tjerë.
Të famshëm si Beyonce e Michael Jordan kanë qenë pjesë.
Beyonce performoi këngën e preferuar të Kobe, “XO”. Më pas vazhdoi me baladën e saj “Halo”, të cilën ia dedikoi Kobe-s dhe Gianna-s para 20 mijë personave me një kostum ngjyrë mustardë të shëndritshëm.
Michael Jordan
Gjithashtu edhe miku i tij më i mirë, legjenda e basketbollit Michael Jordan ka mbajtur një fjalim mes lotësh, para publikut të mbledhur në sallën e stërmbushur ku Kobe luajti me ekipin e tij, LA Lakers.
Mes të famshmëve të tjerë ishin edhe çiftet si Kim Kardashian-Kanye West dhe Jennifer Lopez- Alex Rodrigues.
