Edicioni i 108-të i "Giro d'Italia", garës së famshme të çiklizmit fillon nesër (9 maj) edicionin e ri nga Shqipria me Tre Etapat e para. Mbi 200 televizione në gjithë botën do transmetojnë këtë event dhe Shqipëria për tre ditë do jetë në sytë e më shumë se 800 milionë teleshikuesve.
Përveç forcës, sakrificës dhe stërvitjes, çiklistët dallohen edhe për katër fanellat e veshura me ngjyra të ndryshme, që sigurisht nuk janë për të gjithë, por të ndara sipas rezultateve në garë.
Le të zbulojmë kuptimin e të gjitha fanellave që i jepen në 'Giro d'Italia' çiklistit të parë në klasifikimin e përgjithshëm dhe në ato shtesë. Rozë, por edhe e bardhë, blu dhe çiklamin. Këto janë fanellat që janë në dispozicion në 'Giro d'Italia' çdo edicion.
Fanella rozë
Edhe ata që nuk e ndjekin çiklizmin e dinë se i pari në klasifikimin e përgjithshëm vesh fanellën rozë. Një fanellë ikonike, historike dhe e lakmuar. Le të rishikojmë historinë dhe çiklistët që e kanë veshur disa herë.
Kur e vesh fanellën rozë?
Në fund të çdo etape, çiklistit që regjistron kohën më të mirë në total i jepet fanella rozë e lakmuar dhe e vesh atë gjatë etapës tjetër.
A mund të ndryshojë çiklisti që e vesh atë gjatë Giro-s?
Sigurisht, pikërisht ky është edhe shpirtit i fanellës rozë; ta veshë çiklisti që deri në atë moment është dalluar më shumë se të tjerët. Në fakt, janë vetëm 4 çiklistë që e kanë veshur atë nga etapa e parë deri tek e fundit: Costante Girardengo, Alfredo Binda, Eddy Merckx dhe Gianni Bugno.
Çiklist me fanellën rozë
Historia e fanellës rozë
Fanella rozë u prezantua në vitin 1931 me iniciativën e gazetarit të Gazzetta dello Sport, si dhe organizatorit të Giro d'Italia-s së parë, Armando Cougnet.
Pse u zgjodh ngjyra rozë?
Ngjyra u zgjodh për nder të gazetës, të shtypur në letër rozë, duke u frymëzuar nga Turi i Francës, i cili në vitin 1919 krijoi fanellën e verdhë për nder të ngjyrës së faqeve të gazetës L'Auto (tani L'Équipe).
Qëllimi i Cougnet nuk ishte vetëm ta bënte udhëheqësin e klasifikimit të përgjithshëm të dallueshëm midis të gjithë çiklistëve, por t'i atribuonte një simbol lavdie dhe talenti çiklistit më të mirë.
Fanella e parë rozë
Fanella e parë rozë ishte bërë prej leshi të papërpunuar, me jakë të lartë dhe dy xhepa në pjesën e përparme të mbyllur me kopsa, me peshë rreth 300 g. Fanella rozë, e prodhuar kryesisht nga fabrikat e trikotazhit Lombard Vittore Gianni dhe Tizzone, mbeti në lesh deri në vitet 1970, kur u prezantuan versionet e para të bëra nga fibra sintetike.
Fanellat e fundit klasike rozë
Në vitet '70 dhe '80, fanella rozë ndryshoi pamjen e saj, duke u bërë padyshim më sportive, falë edhe materialeve të reja dhe ndryshimit të prodhuesit (Castelli, i cili do të rikthehet në edicionet 2018 dhe 2019). Nga ana tjetër, fanellat e Giro d'Italia 2017 u prodhuan nga fabrika e trikotazhit Santini.
Fanellat rozë më të famshme
Mbi 250 çiklistë deri më tani kanë pasur privilegjin të veshin fanellën rozë të Giro d'Italia.
Çiklist me fanellën çiklamin
Fanellat çiklamin
Ngjyra ciklamin, një hije e ngrohtë midis rozës dhe të purpurtës
Fanella çiklamin i jepet kryesuesit të klasifikimit të pikëve, i përcaktuar duke caktuar pikët bazuar në renditjen e çiklistëve në vijën e finishit. E themeluar në vitin 1966 me ngjyrën e kuqe, u bë çiklamin në vitin 1970, për t'u rikthyer në të kuqe në vitin 2016 dhe përfundimisht çiklamin në vitin 2017. Çiklisti që ka fituar më shumë herë klasifikimin e pikëve të Giro-s është Francesco Moser, me 4 fitore (1976, 1977, 1978, 1982).
Fanella blu
Fanella blu i jepet kryesuesit të klasifikimit të alpinistëve, i hartuar në bazë të pikëve të dhëna sportistëve që kalojnë të parët vijën e finishit në Çmimin e Madh të Malit. I prezantuar në vitin 1933 me ngjyrën jeshile, u bë blu në vitin 2012 për arsye sponsorizimi. Çiklisti që fitoi më shumë herë klasifikimin e alpinistëve është Gino Bartali; 7 herë midis viteve 1935 dhe 1947.
Çiklist me fanellën e bardhë
Fanella e bardhë
Fanella e bardhë i jepet kryesuesit të klasifikimit të çiklistëve të rinj, një renditje e bazuar në kohë që ka të bëjë vetëm me çiklistët nën 26 vjeç , domethënë ata që nuk kanë mbushur ende 26 vjeç më 1 janar të vitit aktual. U krijua në vitin 1976 dhe u dha deri në vitin 1994, duke u rikthyer në fuqi në vitin 2007. Vetëm 4 çiklistë kanë arritur të fitojnë klasifikimin e çiklistëve të rinj në 2 raste: Volodymyr Pulnikov (1989 dhe 1990), Pavel Tonkov (1992, 1993), Bob Jungels (2016 dhe 2017) dhe Miguel Ángel López (2018 dhe 2019).
Çiklist me fanellën e zezë
Fanella e zezë, historia dhe përjashtimi
Midis viteve 1946 dhe 1951 , Giro d'Italia ofroi një çmim mjaft të çuditshëm; fanellën e zezë, e cila i jepej çiklistit të vendit të fundit. Edhe pse çmimi nuk ishte prestigjioz, fanella e zezë u bë shumë e kërkuar nga ata çiklistë që nuk mundën të dalloheshin në pozicionet e para, duke pasur parasysh se kompensimi financiar ishte edhe më i lartë se ai i marrë nga i gjashti në klasifikimin e përgjithshëm. Protestat e çiklistëve çuan në heqjen e fanellës së zezë. Megjithatë fanella e zezë jepej në bazë të një kohe kur çiklisti kalonte vijën e finishit dhe jo i fundit në garën e përgjithshme.
TRE ETAPAT NË SHQIPËRI
ETAPA 1: 9 Maj / Durrës - Tiranë
Xhiro do të nisë rreth orës 13:10 që nga Porti i Durrësit, ku do të bëhet nxehja dhe pedalimi i ekipeve deri sa të arrijnë në KM 0, në Durrës nga ku do të startojë gara. Sportistët do të vijojnë drejt Malit të Robit, në Kavajë, Rrogozhinë, Peqin, Papër, Bradashesh, Gracen, Mullet, TEG, Sauk, Surrel, Tiranë. Në Tiranë, ata do të rrotullohen nga Surreli, në Rrugën “Xhanfize Keko”, drejt Bulevardit “Dëshmorët e Kombit”, pastaj sërish në rrugën e “Rexhekrit”, drejt Surrelit, në rrugën “Xhanfize Keko” e në Bulevardin “Dëshmorët e Kombit”. Përfundimi i garës parashikohet të jetë rreth orës 17:03 në Sheshin “Nënë Tereza”.
ETAPA 2: 10 Maj / Tiranë - Tiranë
Gara nisë që nga Sheshi “Skënderbej” rreth orës 13:30, në drejtim të Bulevardit “Gjergj Fishta”, pastaj nëpërmjet Bulevardit “Bajram Curri” drejt sheshit “Nënë Tereza”, në Rrugën e “Elbasanit” drejt Saukut, rikthehen në Bulevardin “Bajram Curri”, nga Ura e Brrylit drejt Bulevardit “Dëshmorët e Kombit”, deri tek Sheshi “Nënë Tereza”, ku rreth orës 17:15 është parashikuar të përfundojë xhiroja.
ETAPA 3: 11 Maj / Vlorë - Vlorë
Xhiro do të nisë rreth orës 13:15, nga Lungomare, ku do të bëhet nxehja dhe pedalimi i ekipeve deri sa të arrijnë në KM 0, në rrugën “Demokracia”, nga ku do të startojë gara. Sportistët do të vijojnë itinerarin drejt Kotës, në Brataj, drejt Qeparos, më pas nga Porto Palermo në Himarë, e më pas do të kthehen nga Qafa e Llogarasë, drejt Orikumit, e nëpërmjet Rrugës “Murat Tërbaçi” do të kthehen në Vlorë. Përfundimi i garës parashikohet të jetë rreth orës 17:26 në Rrugën “Sadik Zotaj”.
Komente
