Turneu më prestigjoz për klube, Champions League zhvilloi të mërkurën katër ndeshjet e radhës për fazën play-off. Në sfidat e para Basel dhe Copenhagen barazuan 1-1, teksa për zviceranët shënoi Xherdan Shaqiri. Bodo/Glimt fitoi 5-0 kundër Sturm Graz, ndërsa dy ndeshjet e tjera u mbyllën pa gola; Celtic 0-0 Kairat Almaty, Fenerbahce 0-0 Benfica.
Në 'St. Jakob-Park' vendasit e Basel barazuan 1-1 kundër FC Copenhagen duke lënë gjithçka të hapur për ndeshjen e radhës që zhvillohet javën që vjen në Danimarkë. Xherdan Shaqiri në minutën e 14-të zhbllokoi sfidën nga pika e bardhë për vendasit, ndërsa Gabriel Pereira barazoi në shtesën e pjesës së parë.
Në Norvegji, Bodo/Glimt nuk e kurseu Sturm Grazin duke e mposhur 5-0 dhe duket se edicionin e ri do jetë pjesë e Champions League. Hogh, Bjortuft, Saltnes, Evjen dhe autogoli i Boving vendosën ndeshjen. Nëse nuk ndodh çudia, ndeshja e kthimit në Austri do jetë sa për formalitet.
Ndërkohë dy duelet e tjera i kanë llogaritë e hapura, pasi sfidat përfunduan 0-0. Celtic nuk mundi t'i shënonte Kairat Almaty, ndërsa në Stamboll ndeshja mes Fenerbahces dhe Benficas dhuroi emocione ndonëse pa gola.
Champions League, faza play-off, ndeshjet e para
E martë, 19 gusht 2025
Crvena zvezda 1-2 Pafos
Ferencvaros 1-3 Qarabag
Rangers 1-3 Club Brugge
E mërkurë, 20 gusht 2025
Basel 1-1 FC Copenhagen
Bodo/Glimt 5-0 Sturm Graz
Celtic 0-0 Kairat Almaty
Fenerbahce 0-0 Benfica
Komente
