Champions League zhvilloi këtë të mërkurë nëntë ndeshjet e mbetura për raundin e dytë të fazës së ligës në Champions League. Surpriza në fushë, me PSG-në kampione në fuqi që përmbysi 1-2 Barçën. U ndalën Manchester City, Juventus apo Leverkusen. Ndërkohë që tri pikë siguruan Arsenal, Newcastle, Napoli, Dortmund apo Qarabag.
Në ‘Lluís Companys’ vendasit e Barcelonës u përmbysën 1-2 nga kampionët në fuqi të PSG-së. Vendasit gjetën golin e avantazhit me Ferran Lopez pas 19 minutave lojë, ndërsa brenda pjesës së parë barazoi Mayulu. Për të siguruar tri pikët u desh që PSG të priste minutën e 90-të, aty ku Ramos shënoi golin e fitores pas asistit të Hakimit. Dy fitore në dy takime për PSG.
Në stadiumin ‘Ceramica’, Villarreal ndali 2-2 Juventusin duke i shkaktuar bardhezinjve barazimin e katërt radhazi këtë sezon. Mikautadze shënoi për spanjollët pas 18 minutave lojë, ndërsa në fillimin e pjesës së dytë Juventusi përmbysi me kryeveprën e Gattit dhe golin e Conceicaos. Por në minutën e fundit një ish-si Veiga barazoi shifrat në 2-2. Dy barazime në Champions për Juven, ndërsa Villarreal merr pikën e parë.
Në stadiumin ‘Luigji II’, Monaco dhe Manchester City barazuan 2-2. Haaland shënoi dy herë për anglezët në pjesën e parë, ndërsa Teze barazoi momentalisht. Megjithatë në minutën e fundit Monaco barazoi me penalltinë e kthyer në gol nga Eric Dier.
Pas dy raundeve të para në fazën e ligës, Bayern Munich, Real Madrid, PSG, Inter, Arsenal dhe Qarabag kanë nga gjashtë pikë.
Champions League, raundi 2 - e mërkurë, 01 tetor 2025
18:45
Qarabag 2-0 FC Copenhagen
Royale Union SG 0-4 Newcastle
21:00
Arsenal 2-0 Olympiacos
Barcelona 1-2 PSG
Bayer Leverkusen 1-1 PSV
Dortmund 4-1 Athletic Bilbao
Monaco 2-2 Manchester City
Napoli 2-1 Sporting Lisbone
Villarreal 2-2 Juventus
Renditja:
Komente
