Pasi shpalli listën e futbollistëve për në Euro 2024, trajneri i Kombëtares, Sylvinho tregoi edhe kriteret e përzgjedhjes. Jashtë kanë mbetur Cikalleshi, Uzuni, Bare apo edhe Muçolli.
“Do të doja të falënderojë ata që deri tani kanë bërë rrugëtimin deri këtu. Respekti është për të gjithë ju. Përzgjedhja është bërë me një proces të gjatë studimi mbi karakteristikat që ka ky kompeticion. Është përgjegjësi e trajnerit të bëjë zgjedhjet, por fatkeqësisht nuk mund t’i marr të gjithë. Luajnë për 3 milionë njerëz që jetojnë në Shqipëri dhe mbi 10 milionë në botë. Zgjedhjet kanë qenë të vështira. Evropiani ka specifike të veçantë. Shkojmë për të zhvilluar vetëm tri ndeshje, është krejt ndryshe nga eliminatoret kur kishim 10 muaj për 8 ndeshje”, tha trajneri para se t’u përgjigjej pyetjeve.
Jemi të surprizuar me disa zgjedhje. Kemi tkurrje të sulmuesve. Pse kjo zgjedhje dhe a keni ndonjë shqetësim për ndikimin e zgjedhjeve të forta si lënia jashtë e Uzunit apo Cikalleshit?
'Puna në kombëtare është ndryshe nga klubet. Në mars kishim dy miqësore, kombëtarja është e hapur për të gjithë. Në miqësore kemi provuar dy–tre lojtarë, kishim shumë pak kohë për të bërë eksperimente. Jam i bindur se dhoma e zhveshjes do të jetë “ok”, qetë, atmosfera do të jetë “ok”. Nuk kaq qenë e lehtë për mua për të bërë këto zgjedhje. Kemi marrë vendime për ta përballuar në mënyrën sa më të mirë të mundshme Evropianin.'- tha trajneri.
Në listë është një debutues, Medon Berishën, si dhe Amir Abrashi veteran. Çfarë mund të presim nga këta lojtarë dhe pse mungon Uzuni?
'Nuk ka qenë zgjedhje e lehtë për mua dhe për të gjithë lojtarët. Pashë listën e Spanjës, të gjithë janë në vështirësi. Parapëlqej të flas për. Abrashi i vetmi që ka luajtur në Evropian në 2016 ma jep përvojën dhe grintën që karakterizon këtë skuadër. Kemi një vit që e ndjekim Medon Berishën, dhe pas një punë të shkëlqyer që po bën që nga U-21 kemi vendosur ta thërrasim. Berisha do ta japë përgjigjen e tij në fushën e lojës.'- tha Sylvinho.
Mungesat e mëdha - Unë dëshiroja të merrja 35. Është e vërtetë që ka lojtarë që e meritojnë të jenë këtu, por nuk mund të marr. UEFA thotë 26. Disa e meritojnë, por kështu është jeta, nuk është e lehtë. Ne i kemi studiuar lojtarët në nivel individual, karakteristikat, kundërshtarin, skenarët, nuk është e thjeshtë. Pastaj në bazë të të gjithave zgjodhëm këto, por sigurisht që kemi deri në 10 lojtarë më shumë të gatshëm për të hyrë në ekip, por bëmë këtë zgjedhje. Kemi 15 ditë stërvitje, me 7 duhet të bëjmë listën përfundimtare. Më vjen keq për lojtarët, jemi në vështirësi, rregulli është 26. Për fat të keq është kështu dhe ne kemi besim te këta 27 që janë këtu.
Kriteri i përzgjedhjeve është gjendja fizike. 'Doja Muçollin, por fola me atë dhe mjekët dhe ka një dëmtim”, tha trajneri.
Armando Broja, me gjithë kualitetin që ka, nuk ka luajtur fare. Kaq i madh është kualiteti i këtij lojtari sa për të lënë Uzunin jashtë?
Lojtari që nuk është 100%, kemi vendosur të mos e marrim. Ky është kriter i padiskutueshëm. Broja është një lojtar që të gjithë e njohim, i shpejtë shumë i fortë në luftën një kundër një. Edhe Manaj po bën shumë mirë prej tetë muajsh. Nuk bëjmë zgjedhje të tilla, pra nëse nuk luan me klubin, nuk vjen me ne. Kriteri ynë është: nëse bën shumë mirë te ne, e marrim. Kemi Muçollin, që nuk e përmendet. Kemi biseduar me klubin e tij dhe nuk është në formë 100%.
Nga këta 27 lojtarë, një do të largohet, ka vetëm një duel mes Simonit dhe Kastratit për portën?
Nëse një lojtar mund të dëmtohet pas datës 7 qershor mund të bësh vetëm një ndryshim. Deri atëherë (7 qershor) ne mund të bëjmë ndryshime.Sa i përket Simonit, është lojtar i ri si Medon Berisha, ka bërë një rrugëtim shumë të bukur te moshat e Shqipërisë, më shatë qershor do të vendosim për ta.
Zgjedhjet në mbrojtje i keni bërë nga frika e kundërshtarëve? Pse nuk keni rinovuar kontratën?
Sa i përet listës, mendoj se nuk hyn fare frika që kemi marrë shumë mbrojtës. Kemi parë kundërshtarët, të tre janë shumë të fortë. Kemi pesë lojtarë qendrore, por mund të luajnë tre. Ne besojmë shumë te Muci, Bajrami, Seferi, mund të luajnë në disa role. Laçi është një tjetër që mund të bëjë disa role, ky është e ardhja e futbollit. Ne provojmë të bëjmë më të mirën për këtë skuadër për këtë vend. Sa i përket rinovimit, forca jonë, energjia jonë, është përqendruar te ky Evropian.
Sa i ndieni emocionet dhe sa të vështirë e keni për t’ua transmetuar lojtarëve?
Sa u përket kualifikueseve është krejtësisht tjetër. Tani niveli është shumë i lartë, sa i përket presionit, ne nuk e kemi. Ne duhet të luajmë të përmirësohemi dhe të provojmë. Çdo ndeshje futbolli, është mrekulli, mund të ndodhë gjithçka. Në Katar, në Botëror nisi ndeshja e parë, pastaj gjithçka ishte tjetër.E njohim forcën e kundërshtarëve, ata nuk luajnë për të avancuar, por për ta fituar Evropianin. Zemra, shpirti i skuadrës e heq gjithë presionin e futbollistëve tanë. Shpirti dhe zemra nuk duhen negociuar.
Duka tha se shqiptarët duan t’i bëjnë pushimet në Gjermani deri më 9 korrik…
Ky është shpirti që kemi ne. Në futboll mund ët ndodhë gjithçka. Më kujtohet Evropiani 2016. Portugalia fitoi Evropianin, por gjatë fazës së grupeve barazuan në tri ndeshje. Ne duhet të buzëqeshim që shkojmë në një kompeticion kaq të madh, me skuadra dhe futbollistët më të mëdhenj në botë. Duhet ta shfrytëzojmë dhe të shkojmë atje për të luftuar për çdo pikë. Kjo është ajo që duhet të bëjmë”, mbylli fjalën e tij Sylvinho, në konferencën për shtyp që zgjati 52 minuta.
Komente
respekte per vendimin qe e late jashte uUzunin. fama e muajve te fundit eshte me shume mediatike se sa ne realitet. uzuni eshte provuar mjaftueshem deri me sot dhe gjithmone ka deshtuar. nuk pritej dicka tjeter ndryshe nga deshtimi edhe kete rradhe. me mire provojme dike tjeter qe ka me shume shance. ????
PërgjigjuSILVINJO..Ka nje transparency te vleresueshme..si dhe gjykoj qe perzgjedhja eshte mese e merrituar per cilesite e cdoblojtari ne funksion te cilesise se kundershtareve te individual te.grupit ..Urojme me te miren..per kalim turi..Grupi eshte dhe duhet te jape ate qe na dha me 5 fitore..e vend te pare.
PërgjigjuMEGJITHATE NUK ESHTE E DREJTE QE NJE LOJTAR QE NUK ESHTE I DEMTUAR DHE QE KA DHENE KONTRIBUTIN PER KUALIFIKIMIN TE MOS BEJ ME PJESE NE GRUP...