Vlorë- Dy tutore njëra nga Ukraina dhe tjetra nga Rusia janë shpallur në kërkim nga Policia e Vlorës, pasi shfrytëzonin dy ukrainase për prostitucion.
Ndërkohë në gjendje të lirë do të hetohen 2 ukrainaset, për ushtrim të prostitucionit.
Sipas njoftimit të bluve tutoret e ushtronin këtë akttivitet të paligjshëm në në një apartament në lagjen “Pavarësia”.
Operacioni u kodua ‘Missed call’.
"Gjatë kësaj faze të operacionit “Missed call”, u identifikua dhe u shpall në kërkim, shtetasja ukrainase, M. Sh., 35 vjeçe, sepse dyshohet se në bashkëpunim me shtetasen ruse K. A., të shpallur në kërkim më datë 03.02.2025, shfrytëzonin për prostitucion 2 shtetase të tjera ukrainase, në një apartament në lagjen “Pavarësia”. Gjithashtu, u referuan materialet në Prokurori, ku nisi procedimi në gjendje të lirë, për 2 shtetaset që ushtronin prostitucion", informoi sot policia.
Materialet procedurale u referuan Prokurorisë Vlorë, për veprime të mëtejshme.
Komente
