14 persona të cilët ndodhen në paraburgimin e Vlorës janë infektuar me COVID-19. Sipas gazetarit të Report Tv në Vlorë, Armand Xhelili, 4 nga të paraburgosurit janë infektuar me virusin dy ditë më parë dhe 10 të tjerë kanë rezultuar pozitiv ditën e djeshme. Të infektuarit ndodhen të izoluar në dhomat e paraburgimit, ndërsa nuk paraqesin komplikacione shëndetësore.
Pas infektimit të 14 të paraburgosurve pritet që në këtë institucion të bëhet një testim masiv për të zbuluar nëse COVID-19 ka mundur të depërtojë më thellë se në dhomat e paraburgimit, pasi në këtë institucion ndodhet edhe burgu ku qëndrojnë edhe personat që janë dënuar me maksimumi 3 vite burg.
Në 24 orët e fundit janë shënuar 494 janë rastet e reja dhe 16 humbje jete nga COVID.
Lajmi kryesor:
Sot 519 raste dhe 11 viktima nga COVID-19! Humb jetën mjekja në Tiranë, infektohen 14 të paraburgosur në Vlorë
//ReportTv.al
