VENECIA - Festimet e gjata për dasmën e Jeff Bezos dhe Lauren Sanchez kanë filluar dhe në Venecia nivelet e masave të sigurisë janë rritur në maksimum. Nga sot deri të shtunën, rrethet dhe ishujt e përfshirë në eventin tre-ditor do të jenë të izoluara, ndërsa në këtë ceremoni do të jenë mbi 250 të ftuar, përfshirë miliarderë, familje presidenciale e mbretërore, yje të Hollivudit dhe të popit.
"Kemi rritur sigurinë për të garantuar për qytetarët, mysafirët ndërkombëtarë dhe turistët”, thotë Komisioneri i Policisë Darco Pellos.
Qindra janë punonjësit e sigurisë private të punësuar nga Bezos, përfshirë shumë ish-marinarë që mbërritën nga SHBA-ja. Por gjithashtu qindra janë edhe forcat e rendit shtetëror, të përforcuara nga ushtria. Vëmendja, përveç mysafirëve privatë, është përqendruar në veçanti te familja e Presidentit të SHBA-së Donald Trump: vajza e tij Ivanka, bashkëshorti i saj Jared Kushner dhe tre fëmijët e tyre, si dhe Donald Junior, djali i udhëheqësit amerikan.
Luftërat dhe krizat botërore janë në sfond, prandaj niveli maksimal i siguridë vlen edhe për mbretëreshën Rania të Jordanisë, e cila pritet të mbërrijë në Venecia në orët në vijim.
Ivanka Trump u shfaq papritur me familjen e saj: një udhëtim i shkurtër për pazar në një dyqan arti fetar, pastaj një vizitë në sinagogën spanjolle. Për gati gjysmë ore e gjithë zona ishte e mbyllur dhe e rrethuar nga dhjetëra oficerë me rroba civile. Siguri maksimale, për të shmangur bastisjet e paralajmëruara nga aktivistët e No Bezos, edhe dje në mbrëmje kur Bezos dhe gruaja e tij vendosën të shkonin në Palazzo Brandolini d'Adda për darkë të ftuar mikja e tyre Diane von Furstenberg.
Në menu, përveç një bufeti me antipasta si në "Një mijë e një net", kishte edhe kallamarë të lagunës, tepër të rrallë. Ndryshimet klimatike i kanë zhdukur pothuajse: në tregun e Rialtos këto ditë, lokalet luksoze i blejnë me çmim të artë - mbi 260 euro për kilogram.
Sa i përket sigurisë: skafi që shkoi për të marrë çiftin në mbrëmje nga skela e errët e hotelit Aman, ku pesëdhjetë anëtarë të familjes dhe miq të ngushtë të të porsamartuarve po pinin kokteje ndërsa dëgjonin muzikën e Bee Gees, u shoqëeua përgjatë Kanalit të Madh nga pesë varka të tjera shoqëruese.
Sot festa e mirëseardhjes dhe mbrëmja në kishën e Madonna dell'Orto
Ngjarja kryesore e sotme, pas festës së mirëseardhjes në kopshtin me pishinë të Villa Baslini në ishullin e San Giovanni Evangelista, është planifikuar për në mbrëmje në kishën e Madonna dell'Orto. Ndërsa deri dje ndalimi i trafikut në kanalet e Cannaregio-s, midis orës 18:00 dhe mesnatës, kishte të bënte vetëm me anijet me motor dhe ato me rrema që nuk ishin të përfshira në ngjarje, në orët e fundit bllokimi është shtuar edhe për këmbësorët.
Dhjetëra rrugica, midis Misericordia dhe Madonna dell’Orto, për arsye sigurie do të jenë të bllokuara për banorët jo-rezidentë dhe për këdo që nuk kanë lejen e rezervuar si të ftuarit e Bezos.
Dronët nuk do të jenë në gjendje të fluturojnë mbi qendrën historike dhe Giudecca, me qëllim që të parandalohen xhirimet ajrore të festimeve.
Dhurata e Bashkëshortëve
Ndërkohë, të ftuarit në festën dhe pritjen tre-ditore morën një dhuratë mirëseardhjeje nga të sapomartuarit, së bashku me një kartë suvenireje me gondola dhe flutura në të. Teksti, i nënshkruar nga Jeff dhe Lauren, shpjegon se "jemi të emocionuar që ju bashkoheni me ne, por ju lutemi mos bëni dhurata. Në emrin tuaj, ne po bëjmë donacione për të ruajtur trashëgiminë artistike të pazëvendësueshme të këtij qyteti, një vend magjik që na ka dhënë momente të paharrueshme. Shpresojmë që Venecia do të vazhdojë të frymëzojë mrekulli në brezat e ardhshëm".
Çifti u premtoi tre milionë tre institucioneve private aktive në mbrojtje: të ftuarit do të marrin një pako me ëmbëlsira tipike të lagunës dhe një dhuratë unike për dasmën nga qelqi Murano .
Siguria në nivelin e G20-ës
Niveli G20 gjithashtu siguron masat e sigurisë për ngjarjet nesër dhe të shtunën. Teatro Verde në ishullin e San Giorgio tani është tërësisht i mbuluar dhe i rrethuar nga perde të zeza dhe të bardha: këtu është planifikuar shkëmbimi simbolik i unazave, gjatë një feste me temë Great Gatsby, me një koncert nga Matteo Bocelli dhe një spektakël fishekzjarresh.
Protestat
Duke drejtuar gishtin nga ai, si dhe nga "sistemi Bezos-Trump-Musk", janë aktivistët e mbledhur në platformën "No Space for Bezos" . Protestat, pankartat dhe bastisjet e paralajmëruara janë të përditshme.
Të shtunën, duke filluar nga ora 17:00, ndërsa Jeff Bezos dhe Lauren Sanchez do të përshëndesin mysafirët e tyre në Arsenale me një ballo me maska në stilin e shekullit të tetëmbëdhjetë, axhenda përfshin një “procesion të zhurmshëm “Jo Bezos dhe Jo Luftë” midis stacionit të trenit Santa Lucia dhe Erbaria di Rialto”./La Repubblica
Komente
