Detaje të reja nga dasma e kthyer në mort në Ferizaj të Kosovës mbrëmjen e 16 gushtit. 89-vjeçari shkoi për gëzim në Bibaj të Ferizajt, pa e ditur që ishin momentet e fundit të jetës së tij. Viktima ishte gjyshi i dhëndrit, i cili po martohej natën që u solli zi.
I moshuari u vra pranë restorantit të dasmave në Bibaj, nga një efektiv i policisë së Kosovës por që nuk ishte në krye të detyrës,
Sipas Policisë së Kosovës, Festim Ramadani është vetëdorëzuar, dhe dyshohet se vrasjen e kreu me armën zyrtare.
“Një mashkull kosovar ka mbetur i vdekur pasi është qëlluar me armë zjarri. I dyshuari lidhur me rastin është një zyrtar policor jashtë detyrës zyrtare. Vdekjen e viktimës e ka konstatuar ekipi mjekësor në vendin e ngjarjes. I dyshuari lidhur me rastin është vetëdorëzuar në stacionin policor”, thuhet në njoftimin e policisë.
Lidhur me ngjarjen tronditëse, është arrestuar edhe një person tjetër, i cili dyshohet për veprën “ndihmë në kryerjen e veprës penale”.
Ndërkaq, kryeprokurori i Ferizajt, Shukri Jashari, njoftoi se i dyshuari është dërguar në ndalim për 48 orë.
Motivet që çuan deri te ky krim i rëndë, ende janë të paqarta. Viktima Sadri Sadriu mësohet se është xhaxhai i Prindon Sadriut, burrit të presidentes së Kosovës, Vjosa Osmani.
Sipas policisë dyshimet e para janë që kjo vrasje “nuk ishte aksidentale, por e qëllimshme”, citon Rel.
Lajmi kryesor:
Dasma që u kthye në mort/ Foto e policit që ekzekutoi me armë xhaxhain e bashkëshortit të Vjosa Osmanit
S.G/ReportTv.al