Para sfidës së humbur 1-0 kundër Botafogos në Kupën e Botës për Klube, trajneri i Paris Saint Germain, Luis Enrique, ka qëndruar besnik ndaj filozofisë së tij duke lënë mënjanë çdo entuziazëm rreth çmimeve individuale, përfshirë edhe ‘Topin e Artë’.
I pyetur në konferencën për shtyp për mundësinë që Ousmane Dembélé të fitojë këtë trofe, trajneri spanjoll ishte i prerë në përgjigjen e tij.
“Nuk jam i interesuar për ‘Topin e Artë’. Çmimet individuale nuk më interesojnë. Më vjen keq, megjithëse i preferuari im, pa dyshim, është Ousmane Dembélé”, tha spanjolli.
Luis Enrique e lavdëroi sulmuesin anësor për kontributin e tij vendimtar në suksesin e PSG-së në Champions League dhe gjatë gjithë sezonit, por theksoi se nuk është i vetmi që ka spikatur.
“Vitinha, Hakimi, Fabian Ruiz, Marquinhos, Pacho, Nuno Mendes… të gjithë meritojnë vlerësim. Në fund të fundit, as nuk di kush voton për ‘Topin e Artë’. Dhe sinqerisht, nuk më intereson. Për mua vlen ekipi”, tha Enrique.
Lajmi kryesor:
VIDEO/ Botafogo surprizon kampionët e Evropës, mposht 0-1 PSG-në në Botërorin e Klubeve! Sherr mes tifozëve në tribuna
S.Dh/ReportTv.al