Pasadena, California (SHBA) - PSG u surprizua në Kupën e Botës për Klube duke u mposhtur 0-1 nga brazilianët e Botafogos. Për ndeshjen e dytë në Grupin B, Botafogo siguroi tri pikë me vlerë dhe me gjashtë të tilla kryeson grupin.
Ndeshja nisi me raste për PSG-në, por Khvicha Kvaratskhelia u ndal nga gardiani në fillimin e duelit. Më pas skuadrat filluan të mos ishin aq të hapura, duke u kujdesuar më shumë për prapavijën.
Duhej minuta e 36-të kur një pasim i Savarino do "çante" në qendër mbrojtjen e kampionëve të Evropës dhe Igor Jesus do e ndalte sferën në rrjetë, kjo edhe falë një devijimi nga mbrojtësi i PSG, që nxori jashtë loje Donnarumman.
Paçka se ndeshja vijoi me raste, PSG nuk mundi dot të barazonte edhe pas pesë zëvendësimeve. Kështu, Botafogo me dy fitore dhe gjashtë pikë mban kreun e Grupit B, ndjekur nga PSG dhe Atletico Madrid me tre pikë.
Tej rezultatit një vëmendje të veçantë në këtë duel mori edhe sherri mes tifozëve në tribuna. Me 53.699 të pranishëm, në shkallët e stadiumit nuk mungoi sherri dhe përleshja mes dy tifozerive të dy skuadrave.
Para sfidës së humbur 1-0 kundër Botafogos në Kupën e Botës për Klube, trajneri i Paris Saint Germain, Luis Enrique, ka qëndruar besnik ndaj filozofisë së tij duke lënë mënjanë çdo entuziazëm rreth çmimeve individuale, përfshirë edhe ‘Topin e Artë’.
I pyetur në konferencën për shtyp për mundësinë që Ousmane Dembélé të fitojë këtë trofe, trajneri spanjoll ishte i prerë në përgjigjen e tij.
“Nuk jam i interesuar për ‘Topin e Artë’. Çmimet individuale nuk më interesojnë. Më vjen keq, megjithëse i preferuari im, pa dyshim, është Ousmane Dembélé”, tha spanjolli.
Luis Enrique e lavdëroi sulmuesin anësor për kontributin e tij vendimtar në suksesin e PSG-së në Champions League dhe gjatë gjithë sezonit, por theksoi se nuk është i vetmi që ka spikatur.
“Vitinha, Hakimi, Fabian Ruiz, Marquinhos, Pacho, Nuno Mendes… të gjithë meritojnë vlerësim. Në fund të fundit, as nuk di kush voton për ‘Topin e Artë’. Dhe sinqerisht, nuk më intereson. Për mua vlen ekipi”, tha Enrique.
Në stadiumin "Rose Bowl" në Pasadena të Californisë, PSG u mposht 1-0 nga Botafogo për Kupën e Botës për Klube. Tej rezultatit një vëmendje të veçantë në këtë duel mori edhe sherri mes tifozëve në tribuna.
Me 53.699 të pranishëm, në shkallët e stadiumit nuk mungoi sherri dhe përleshja mes dy tifozerive. Në video duken grushtat mes ultrasve, teksa nuk raportohet për të lënduar.
PSG and Botafogo ultras get into a fight in the Club World Cup.
— Tactical Manager (@ManagerTactical) June 20, 2025
What a bunch of imbeciles.
pic.twitter.com/BeNpE1w70d
Komente
