Ish-kryeministri i Maqedonisë, Nikolla Gruevski, është dënuar me dy vjet burg nga Gjykata Penale e vendit fqinj. Ndërsa ish-ndihmës ministri i atëhershëm për prokurim publik, Gjoko Popovski, është dënuar me 6 vjet gjysmë burg.
Mediat maqedonase raportojnë se Gruevski nuk ishte i pranishëm në Gjykatë në momentin e vendimit, por përfaqësohej nga avokatët e tij. Ish-kryeministri maqedonas dhe vartësi i tij janë dënuar për rastin 'Tank', që ka të bëjë me marrjen e dhuratave luksoze. E akuzuar në këtë rast është edhe ish-ministrja Gordana Jankullovska.
Të gjithë këta persona akuzohen për blerjen luksoze të Mercedesit për llogari të ish-kryeministrit Nikolla Gruevski. Blerja e kësaj makine luksoze i ka kushtuar buxhetit të shteti më shumë se një gjysmë milioni euro.
