Nisur nga sulmi ndaj avokat Sokol Mëngjesit pranë kopshtit të djalit në Tiranë, deputeti i PS Lavdrim Krashi tha në Frontline në Report Tv se ka ardhur koha që shteti të monitorojë rrugët me kamera. Kjo sipas deputetit do t’i frenonte më shumë kriminelët përpara se kryenin akte të tilla.
“Evidenca që kemi në lidhje me këtë ngjarje është evidencë private, kamerat e sigurisë. Nuk mendoj se ato kamerat janë për të siguruar jetën tonë por për biznesit. Mendoj se ka ardhur koha që shteti të ndërhyjë për siguri më të lartë, qoftë për aksidente automobilistike, qoftë dhe për të ruajtur ngjarje të tilla. Nëse kriminelët e dinë se janë të monitoruar nga kamerat do të mendohen më shumë. Jam i bindur se po ta dinin se ka kamera do ta mendonin shumë herë më shumë”.
Lajmi kryesor:
Sulmi ndaj avokat Mëngjesit, Saimir Vishaj: Është vrasje në tentativë, jo dhunim! Sefa: Autorët dënohen minimalisht me 30 vite burg
B.K/ReportTv.al