Pas dhunës së gazetarit të Report Tv, Elvis Hila, ka ardhur edhe reagimi i Unionit të Gazetarëve. Në reagim e tyre kërkohet që autorët të vihen para drejtësisë. Ato e kanë konsideruar si një agresion kriminal, që duhet të marrë një përgjigje nga drejtësia.
“Deklaratë e Unionit të Gazetarëve Shqiptarë. Akt banditesk mbi gazetarin dhe bashkëshorten e tij në Lezhë
Tiranë më 25 Janar 2023
Unioni i Gazetarëve Shqiptarë dënon ashpër sulmin dhunues mbi gazetarin Elvis Hila dhe bashkëshorten e tij, të ndodhur ditën e mërkurë në qytetin e Lezhës. Sulmi i dhunshëm i dy qytetarëve të identifikuar, mbi gazetarin për shkak të detyrës, përbën një agresion kriminal dhe të dënueshëm.
Kallzimi zyrtar nga gazetari Hila dhe bashkëshortja e tij ndaj dhunuesve përbën një arsye që policia lokale të ndalojë sa më parë autorët dhe t'i verë përballë drejtësisë. UGSH dënon me forcë aktin kriminal dhe mbështet plotësisht kolegun dhe bëhet pjesë e solidaritetit të krejt kolegëve të Lezhës, ndaj tij dhe familjes.
Kërkojmë nga autoritetet e policisë së shtetit të marrin masa të menjëhershme për garantimin e qetësisë dhe sigurisë së kolegut dhe familjes së tij si dhe mundësimin e gjithë lirisë për të ushtruar detyrën e vet si reporter.
Zyra Informuese. Unioni i Gazetarëve Shqiptarë. Raport i përcjellë pranë Zyrës Informuese të UGSH”, thuhet në reagim.
Lajmi kryesor:
Dhunohet për shkak të detyrës gazetari i Report Tv në Lezhë, Elvis Hila dhe gruaja e tij: S'më pengojnë të them të vërtetën dhe pse disave s'u pëlqen! Në kërkim 2 autorët
B.K./ReportTv.al