Vlorë-Dy automjete janë përfshirë nga flakët gjatë natës në lagjen “Pavarësia” të qytetit të Vlorës rreth orës 01:45.
Ngjarja dyshohet të jetë e qëllimshme, ku si pasojë e zjarrit është djegur një automjet tip Benz me targa AA 017 RO, në pronësi të një vajze, si dhe një automjet tip Opel me targa AB 314 TA, i cili ndodhej i parkuar pranë tij.
Sipas informacioneve, zjarri është vendosur fillimisht në automjetin tip Benz, ndërsa mjeti tjetër është përfshirë nga flakët për shkak të afërsisë.
Në vendngjarje ka mbërritur policia, e cila ka nisur hetimet dhe ka sekuestruar pamjet nga kamerat e sigurisë në zonë për të identifikuar autorin e ngjarjes.
Ndërkohë Report Tv ka siguruar pamjet kur një person i vendos flakën Benz-it.
Report Tv ka siguruar momentin kur dy makinat në Vlorë u përfshinë nga flakët.
Siç shohim edhe nga video një person i paidentifikuar, veshur me të zeza dhe i maskuar i vendos flakën makinës tip Benz dhe më pas largohet me shpejtësi.
Komente
