Teksa pritet të jetë Sekretari i ri i Përgjithshëm i Partisë Socialiste, Damian Gjiknuri e konsideron si një sfidë shumë të vështirë punën si numri 2 i partisë. Teksa vlerëson kontributin e paraardhësit të tij Balla, Gjiknuri thotë se do të vazhdojë punën e bërë deri më tani.
"Taulanti është një koleg i vjetër. Natyrshëm është një sfidë e vështirë. Unë kam eksperiencën time elektorale dhe partiake dhe do të bëj më të mirën e mundshme për ta çuar përpara punën që është bërë me PS-në. Është një sfidë e mirëpritur. Natyrshëm unë kam lidhjet e mia me Qarku Vlorë dhe kam arritur rezultatin më të mirë të arritur ndonjëherë në Shqipëri dhe atë eksperiencë do të shfrytëzoj për këtë detyrë", tha Gjiknuri.
Lajmi kryesor:
Nuk është më Sekretari i Përgjithshëm në PS, Balla: Vazhdoj të kem detyra të rëndësishme, isha deputeti më i votuar në Elbasan! Gjiknuri: Sfidë e vështirë por e mirëpritur
K.T./r.k./ReportTv.al