Sociale

Dy ditë pas aksionit për pastrimin e pyllit të Sodës, ende i ndotur, asnjë masë konkrete

Prej vitesh hidhen mbeturinat në mënyrë të paligjshme në Pyllin e Sodës, e ndaj kryeministri Edi Rama e nisi aksionin e pastrimit nga kjo zonë. Pas dy ditësh situata mbetet e njëjtë, asnjë masë konkrete nuk është marrë nga bashkia dhe prefektura për të zgjidhur këtë gangrenë për Vlorën.

9 Nëntor 2021, 17:05| Përditesimi: 9 Nëntor 2021, 19:58

  • Share

Banorët por edhe bizneset e kanë kthyer pyllin e Sodës në një hot-spot mbeturinash, ku depozitohen si mbetje urbane ashtu dhe inerte të ndërtimit.

Pas ultimatumit të kryeministrit Rama, kryebashkiaku i Vlorës, Dritan Leli nxori 1100 punëtorë për pastruar pyllin gjatë fundjavës, por siç shihet panorama mbetet njëjtë, as thasët me plehra nuk janë larguar nga rruga.

Me një sipërfaqe prej 750 hektarë pisha ku pjesa me e madhe e territorit gëzon statusin  "zone e mbrojtur", pylli i Sodës është lënë në degradim të plotë prej dy dekadash.

Përpos mbeturinave problem mbetet edhe erozioni, ku siç shihet pishat e mbjella rreth viteve '70 janë tharë, ndërsa asnjë institucion nuk ndërhyn për ripërtëritjen e pyllit. 

SI.E./ReportTv.al
Komento
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?