Gleard Gusholli, 31 vjeç, u bë protagonist i një ngjarjeje të rëndë të denjë për një skenar filmi horror në Tiranë. I riu u arrestua këtë të diel nga efektivët e Komisariatit nr. 2 në kryeqytet pasi dhunoi në mënyrë barbare dhe mbajti peng për një javë bashkëjetuesen e tij 28-vjeçare në afërsi të zonës së ish-Parkut të Autobusëve, në rrugën “Frosina Plaku”. 31-vjeçari, nuk ishte i vetëm në “çmendurinë” e tij barbare, por u ndihmua edhe nga 4 persona të tjerë për t’u fshehur dhe prishur provat në vendin ku e reja u mbajt e dhunua në mënyrë sistematike për një javë, të cilët u arrestuan. Besmir Nurçellari, 36 vjeç, Arjan Sheta, 41 vjeç, Bledi Kateshi, 27 vjeç dhe Erlind Kateshi, 42 vjeç, u prangosën bashkë me 31-vjeçarin Gusholli në operacionin “Locked”.
28-vjeçarja u dërgua fillimisht në një klinikë private pranë Komisaristit nr. 2 nga dy vajza, njëra prej të cilave e motra e agresorit Gusholli, e cila dërgoi më pas hetuesit në banesën ku vajza u mbajt peng dhe u dhunua. Vajza më pas u dërgua në Spitalin e Traumës për ndihmë më të specializuar pasi gjendja e saj ka qenë shumë e rëndë, e goditur, rrahur dhe gjakosur në të gjitha pjesët e trupit. Gjatë kontrollit në banesën ku e reja u mbajt dhe dhunua për ditë me radhë, policia gjeti dhe sekuestroi kokainë dhe mjete që përdoren për konsumimin e kësaj lënde narkotike. Si provë materiale policia gjeti edhe një këmbë karrige, me të cilën dyshohet se 31-vjeçari dhunoi barbarisht të renë që kishte disa kohë që kishin krijuar marrëdhënie intime.
Pas avancimit të hetimeve, hetuesit e Komisariatit nr. 2 kuptuan se njëri prej djemve që e kishte ndihmuar të arratisej Gushollin dhe të largohej nga vendi i ngjarjes ishte kunati i tij, burri i motrës që fillimisht me shoqen e saj dërgoi për ndihmë mjekësore vajzën e re të dhunuar. Pas disa orë kërkimesh, më në fund 31-vjeçari Gleard Gusholli u lokalizua rreth e qark lagjes në afërsi të Zogut të Zi dhe u vu në pranga. Ai është marrë në pyetje nga policia dhe në deklarimet e para ka thënë se e ka bërë prej xhelozisë që kishte për të renë 28-vjeçare, por nuk ka dhënë detaje të tjera më të plota. Vajza raportohet se është jashtë rrezikut për jetën dhe është përmendur, por është në mbikëqyrje intensive nga bluzat e bardha.
Report Tv zbardh dinamikën e ngjarjes në rëndë të ndodhur në Tiranë, ku një 28-vjeçare është dhunuar barbarisht nga bashkëjetuesi Gleard Gusholli. Efektivët e Komisariatit nr. 2 në kryeqytet janë njoftuar pak pas mesnatës së të shtunës për një vajzë që ishte dërguar në një klinikë afër komisariatit të dhunuar, e sjellë aty nga dy vajza të tjera. Më pas e reja është transportuar në Spitalin e Traumës pasi ka qenë në gjendje tepër të rëndë, e rrahur, e goditur dhe e gjakosur në të gjitha pjesët e trupit.
Menjëherë kanë nisur hetimet mbi rastin. Njëra prej vajzave që e ka dërguar në klinikën private ka qenë motra e agresorit, e cila është marrë në pyetje nga policia dhe i ka dërguar në banesë ku vajza është mbajtur dhe dhunuar për ditë me radhë. Brenda, ndër të tjera policia ka gjetur edhe një këmbë karrige, me të cilën dyshohet se ka dhunuar barbarisht vajzën 31-vjeçari Gusholli. Mësohet se njëri prej djemve që ka ndihmuar Gushollin të largohet e të fshihet ka qenë kunati i tij, burri i motrës. Për disa orë me radhë policia e ka kërkuar dhe është lokalizuar diku pranë Zogut të Zi. Gusholli, pasi është arrestuar ka treguar se ishte shumë xheloz, por nuk ka dhënë detaje të plota e konkrete në lidhje me ngjarjen e rëndë. Vajza bëhet me dije se e ka kaluar rrezikun për jetën në spital dhe është përmendur.
Komente
ATIJ SHTAZES JA KANE BERE MIRE , POR EDHE MIQTE E TIJ NUK JANE ME PAK SHTAZE...
PërgjigjuFutjani kemben e karriges ne by** qelbesires!
PërgjigjuCfar behet keshtu po ska denim me vdekje cte besh vetem enveri e mblidhte keta njerez te ndyr e plehra
Përgjigju