Një pronar servisi në Sarandë është vënë nën hetim ditën e sotme pasi në servisin e tij është gjetur një kampervan, i cili më parë ishte vjedhur në Gjermani. Policia ka njoftuar se po procedohet penalisht B. Muho, 37 vjeç.
“Nga specialistët për Hetimin e Krimeve të Komisariatit të Policisë Sarandë u referuan materialet në Prokurori dhe nisi procedimi penal në gjendje të lirë për shtetasin B. M., 37 vjeç, pasi dyshohet se ka trafikuar automjetin e markës “Fiat”, i cili rezulton i vjedhur në Gjermani. Automjeti u sekuestrua në cilësinë e provës materiale”, njofton policia.
Ndërkohë që burime për Report Tv kanë bërë me dije se vetë pronari i servisit Muho është shprehur për autoritete se në fakt kampervani është lënë aty nga një i moshuar italian, për t’i bërë shërbimet. Ndërkohë që është ndaluar edhe shtetesi italian.
