Një fëmijë vetëm 12-vjeç po ruante kopenë e deleve në fshatin Rusan të Delvinës kur u sulmua nga 6 qen stani. Ngjarja e rëndë u shënua pasditen e së enjtes, 24 gusht 2023, në vendin e njohur si stanet e Rusanit.
I mituri u transportua me urgjencë në spitalin e Sarandës ku iu nënshtrua një ndërhyrje kirurgjikale. Sot gjendja e tij shëndetësore paraqitet e stabilizuar, por ka plagë të shumta në këmbë, kofshë e krahë, siç shihet në këto pamje të siguruara nga Report TV nga dhoma e spitalit.
Bluzat e bardha jashtë kameras thanë se ky është një rast i rallë për ta, por ia kanë dalë ta mbajnë në jetë 12-vjecarin. “Ka kafshime të shumta në trup, plagë të thella dhe hemoragji, por fatmirsisht nuk është prekur arteria kryesore”, tha një mjek.
Prindërit e tij nuk ndodhen në spital, ata janë shoqëruar në polici për të dhënë dëshmi për ngjarjen. Po kështu çobani i kopesë që ishte dëshmitar okular i ngjarjes së paprecedentë po pyetet për rrethanat.
Report TV përmes burimeve mëson se 12 vjecari po kthehej nga kullota në stan me tufën e bagëtive. Ishte i vetëm kur ndeshi në një kope tjetër me bagëti dhe 6 qen stani e sulmuan. Hetimet për këtë rast të rëndë vijojnë nga policia e Sarandës.
Komente
Ne rradhe te pare, 12 vjec nuk duhej te bente ate pune,ajo pune eshte per prinderit,jo per te.Ka apo nuk ka kode e ligje per punen e shfrytezimin e femijeve ky shtet?! Hetojne arixhinjte qe nxjerrin femijet per te lypur,po kete rast perse nuk e hetojne? Ne rradhe te dyte,ai bariu i tufes tjeter cfare dreqin bente,perse nuk i ndaloi qente me komanda?!
PërgjigjuMe vjen shume keq per djalin dhe i uroj sherim te shpejte,dhe buka e gojes e ka derguar per te ruajtur bagetine e shtepise se tij por ajo qe me shqeteson eshte se,mire njerezit jane terbuar por po terbohen dhe qente
PërgjigjuQente me kater kembe jane prezen ne ambientet publike,ne cdo qytet.Ne oret e vona nuk mund te kalosh ne pika te ndryshme te Vlores se te rrezikohet jeta nga "Kopete"e qeneve.A eshte detyre e Bashkise te marre masa per jetet e qytetareve?
PërgjigjuJanë bërë më shumë qen sesa hajdutë!
PërgjigjuOse futini ne strehe, ose hiqini qafe keta qen rrezik per te gjithe
Përgjigju