I mitur 17-vjeçar, Jaup Bekotaraj, banues në Radhimë ka humbur jetën në një kantierë ndërtimi, ku është goditur aksidentalisht nga një skrep.
Ngjarja e rëndë ka ndodhur në zonën e njohur si Kalaja në Ujin e Ftohtë në Vlorë, ku 17-vjeçari është goditur nga skrepi, pasi nuk është parë nga drejtuesi i mjetit shtetasi me iniciale B.Xh., 29 vjeç.
Mendohet se i mituri ka shkuar pikërisht për të takuar 29-vjeçarin, por nuk është para nga ky i fundit dhe e ka goditur atë aksidentalisht duke i marrë jetën.
Ngjarja ka ndodhur në orën 16:20 në zonën e njohur si 'Kalaja', ku skrapi po gërmonte për të hapur kodrën, ku do të ndërtohej një parkim.
Policia ka shoqëruar drejtuesin e mjetit, shtetasin B.Xh., 29 vjeç, banues në Librazhd, i cili po merret në pyetje në lidhje me ngjarjen.
Disa persona të tjerë, dëshmitar në vendngjarje, po merren në pyetje për zbardhjen e rrethanave të ngjarjes.
Policia dhe grupi hetimor po punon për zbardhjen e plotë të ngjarjes së rëndë.
