Një polak 18-vjeçar ndërron jetë në pishinën e hotelit 'Internacional' në Vlorë. I riu ishte së bashku me familjen, të cilët dolën jashtë për të pirë cigare dhe kur u kthyen e gjetën në fund të pishinës të vdekur. Ende nuk dihet se çfarë ka ndodhur ndërsa grupi hetimor ka mbërritur në vendin e ngjarjes për të zbardhur rrethanat.
Burime bëjnë me dije se trupi i pajetë i 18 vjeçarit do të dërgohet drejt Tiranës për ekspertizë për të mësuar shkaqet e vdekjes. Gjatë paradites së sotme, ambulanca ka mbërritur në ambientet e hotelit edhe dy herë të tjera për shkak se prindërit e të riut ishin të traumatizuar nga ngjarja e rëndë.
Komento
