Tre vëllezërit Kristi, Fatjon dhe Aleksandër Bushgjokaj nga Tropoja, të cilët jetonin në Kamëz, dhe Petrit Çakrri kanë përdorur makina me qira për te kryer krimin. Gazetari Sokol Dema raporton se ata, sipas policisë, kanë marrë disa makina me qira në Rinas dhe Yzberisht disa ditë para kryerjes se krimit.
Ata i kanë ndërruar makinat disa herë për të humbur gjurmët pasi fillimisht, për 3 ditë me radhë, kanë bërë vëzhgimin e lëvizjeve të Renis Dobrës në Burrel, deri mbrëmjen e 8 korrikut kur e morën peng dhe pasi e mbytën me litar e hodhën në Liqenin e Shkopetit.
Një prej vëllezërve Bushgjokaj akuzohet për përkrahje të autorit të krimit pasi rezulton se ka dërguar në Kosovë 2 vëllezërit e tjerë pas ngjarjes. 2 të tjerët akuzohen se kanë bashkëpunuar në kryerjen e krimit.
Autorët rezulton se kanë tentuar të heqin disa herë GPS e makinave me qira por nuk ia kanë arritur. Dyshimi i parë i policisë është se autorët kanë pasur konflikt të drejtpërdrejtë me Dobrën, por nuk përjashtohet mundësia ta kenë bërë për llogari edhe të personave të tjerë, po për drogën në Gjermani.
Lajmi kryesor:
Tre vëllezër nga Tropoja organizuan rrëmbimin dhe vrasjen e Dobrës në Mat, shkak konfliktet për drogën në Gjermani! 2 në pranga, 2 në kërkim (EMRAT+FOTO)
Xh.D/ReportTv.al