Pas ngjarjes tragjike që tronditi Tiranën, ku 14-vjeçari Martin Cani u vra me thikë nga bashkëmoshatari i tij pranë shkollës Fan Noli në Tiranë, qindra qytetarë u mblodhën sot në protestë para Ministrisë së Arsimit.
Babai i të miturit, Angel Cani ekskluzivisht për Report Tv shpreh falënderimet për të gjithë prindërit, nxënësit e shokët e Martinit që iu bashkuan sot protestës. "Faleminderit shumë që ma lehtësoni këtë dhimbje," – tha Angel Cani, duke iu drejtuar të gjithë atyre që kanë qëndruar pranë tyre në këto momente të vështira.
Me dhimbjen e madhe në shpirt e fjalëpakë, babai e quan një ngjarje të pabesueshme në një intervistë për emisionin ‘Pa Gjurmë’ me gazetaren Odeta Dume.
I mituri ishte pjesë e ekipit U-15 me Dinamon, ndërsa gazetarja Dume i kujton edhe një kampionat në Selanik ku djali i saj ishte pjesë bashkë me Martin Canin. Me dhimbje dhe trishtim e kujton edhe babai i Martinit këtë episod, ku e shoqëroi të birin në Selanik për kampionatin.
Intervista ekskluzive për Report Tv
Odeta Dume: Zoti Cani dua t’ju jap ngushëllimet e mia më të sinqerta dhe jam prekur shumë kur mësova që Martini ka qenë me tim bir në Selanik në kampionat, kanë luajtur futboll atje.
Angel Cani: Po, po kam qenë edhe unë atje. Është e pabesueshme. Rrofshi dhe ju falënderoj, ju falënderoj shumë!
Odeta Dume: Zoti ju dhëntë forcë
Angel Cani: Ju falënderoj shumë, faleminderit!
Odeta Dume: Dhe ditën e sotme protesta ka qenë me plot fëmijë, plot mësues që besoj e gjithë Shqipëria tashmë janë me dhimbjen tuaj
Angel Cani: Faleminderit shumë, faleminderit që ma lehtësoni këtë dhimbje. Faleminderit!
Odeta Dume: Dhe u preka shumë kur lexuam edhe mesazhin e Florinës
Angel Cani: Po, po!
Odeta Dume: Që e kishte dhënë për të birin e saj
Angel Cani: Faleminderit, ju falënderoj pa masë dhe ma puth djalin nga ana ime
Odeta Dume: Nuk e di nëse do të përcjellësh dy fjalë për gjithë nënat që janë me ty dhe Florinën sot
Angel Cani: Faleminderit shumë, shumë faleminderit. Të përshëndes, të falenderoj shumë dhe puthe djalin nga ana ime. Faleminderit!
Odeta Dume: Zoti të dhëntë forcë!
Komente
Po babai i vrasesit ku eshte?! Perse nuk kerkon falje publike per krimin e te birit?!
Përgjigju