Ministria e Mbrojtjes bën me dije se për më shumë se 72 orë, forcat e emergjencës dhe strukturat përkatëse janë angazhuar intensivisht për të shuar dhe izoluar vatrën e zjarrit që ka shpërthyer në vendgrumbullimin e mbetjeve urbane në Bashkinë Elbasan.
Situata mbetet e ndërlikuar dhe po monitorohet vazhdimisht nga strukturat lokale dhe ato qendrore.
Në terren janë angazhuar më shumë se 100 forca nga Bashkia Elbasan, bashkitë fqinje dhe Forcat e Armatosura, ndërsa po përdoren 10 mjete zjarrfikëse dhe 20 mjete të specializuara për shuarjen e flakëve. Pjesë e operacionit janë edhe mjetet e rënda vetshkarkuese dhe forcat xheniere, të cilat po punojnë për mbulimin e vatrës së zjarrit.
Po ashtu, ndërhyrjet ajrore po mbështesin operacionin, ndërkohë që ekspertët e Forcave të Armatosura po kryejnë matje të vazhdueshme të nivelit të ndotjes dhe rrezikshmërisë mjedisore në zonë.
Lajmi kryesor:
Landfilli i Elbasanit digjet prej së martës, ndërhyn dhe helikopteri 'Cougar'! Banorët për Report TV: S'hapim dot dritaret! Eksperti: Shkalla e ndotjes mund të jetë 10-fish mbi normën e BE
H.K/ReportTv.al