Trajneri i PSG-së, Luis Enrique u shpreh i zhgënjyer për eliminimin nga Champions League vetëm një hap larg finales, edhe për faktin se mbrëmjen e së martës të tijtë goditën 31 herë portën, mes tyre katër shtylla, por në fund Dortmund fitoi edhe ndeshjen e dytë 0-1.
"Meqë rezultati është ky, sigurisht që tregon se ishte një ndeshje e vështirë. E prisja një ndeshje të ngushtë, por të jem i sinqertë, mendova se e meritonim të fitonim. Ne bëmë 31 goditje, nga të cilat 4 prej tyre goditën shtyllën e portës kundërshtare.
Të paktën në dy ndeshjet gjysmëfinale e goditëm shtyllën 6 herë, por nuk shënuam asnjë gol. Kjo është e pabesueshme. Futbolli ndonjëherë është kaq i padrejtë", tha spanjolli.
Luis Enrique më pas uroi që Dortmund ta fitojë këtë trofe në finalen e Uembley më 1 qershor, teksa sot një mes Real Madrid dhe Bayern Munich (2-2) do marrë biletën e dytë të finales.
"Urime për ta, janë një ekip i madh. Luajtën shkëlqyeshëm ndaj nesh, shpresoj se mund ta bëjnë këtë edhe në finale, madje ta fitojnë atë. Ne po përpiqemi të krijojmë diçka pozitive. Tani është një moment i trishtuar, por në të njëjtën kohë sporti funksionon edhe në këtë mënyrë. Ne duhet të krijojmë diçka të veçantë sezonin e ardhshëm dhe të përpiqemi ta fitojmë këtë kompeticion", tha Enrique.
????️ Luis Enrique explica la eliminación del PSG:
— GOL PLAY (@Gol) May 7, 2024
➡️ "La diferencia entre tirar al palo de qué depende, ¿del Espíritu Santo que pasaba por allí?"
➡️ "El expected goals de este partido es de 3, si hay un equipo que ha tenido mala suerte ha sido el PSG"
#⃣ #MuchoMásEnJuego pic.twitter.com/UtUCzNygIe
