ITALI - Elseid Hysaj ka lënë pas keqkuptimet me drejtuesit e Lazios dhe ka bindur me paraqitjet në fushë. Kjo ka sjellë edhe ndryshimin e situatës për mbrojtësin e Kombëtares.
Pasi u fut në listën e Serie A për pjesën e mbetur të sezonit, shkodrani e gjen veten edhe në listën e Europa League. Rikthimi i tij si pjesë e të besuarve të trajnerit Marco Baroni ka lënë jashtë Luca Pellegrinin dhe afrimet e janarit.
Hysaj siguroi disa ndeshje gjatë janarit dhe bindi me lojë dhe dy pasime finale për gol, teksa u dëmtua në fitoren e fundit të Lazios dhe do mungojë për 40 ditë. Diçka e tillë nuk i ka ndryshuar pozitat e mbrojtësit i cili do japë përvojën e tij në fushë për pjesën e mbetur të sezonit.
Lista e Lazios për në Europa League:
Portierët: Provedel, Mandas, Furlanetto.
Mbrojtësit: Marusic, Lazzarri, Gigot, Patric, Romagnoli, Gila, Tavares, Hysaj.
Mesfushorët: Vecino, Rovella, Guendouzi, Dele-Bashiru
Sulmuesit: Pedro, Zaccagni, Castellanos, Noslin, Isaksen, Dia, Tchaouna.
Komente
