TIRANË - Një 46-vjeçar nga një fshat i Skraparit, i sjellë si rast urgjent nga Berati në Tiranë, ka ndërruar jetë në Spitalin Universitar "Shefqet Ndroqi", (Sanatoriumi) pas problemeve respiratorë, ndërsa dyshimet e para janë se mund të ishte i prekur nga virusi i tipit A (H1N1) njohur si gripi i derrit.
Vjetar Alushi kishte shkuar në urgjencën e spitalit të Beratit në orët e para të mëngjesit të sotëm (03:30), ku sipas mjekëve atje, ai kishte simptoma gripale, temperaturë, kollë, dhimbje koke, probleme të rënda me frymëmarrjen dhe rrufë, arsye për të cilën ata e nisën në Tiranë.
Dyshimet e para të bluzave të bardha në Berat, ishin se 46-vjeçari mund të kishte gripin e derrit A (H1N1), apo i infektuar nga koronavirusi. Por në kushtet kur nuk mund ta përcaktonin, rreth orës 10:00 të mëngjesit e kanë transportuar drejt Spitalit Universitar "Shefqet Ndroqi" për trajtim të specializuar. Aty, 46-vjeçarit iu mor mostra për të kryer në laboratorin e ISHP-së analizën e koronavirusit, për të hequr çdo dyshim.
Pas lajmit për vdekjen e tij në spitalin e Sanatoriumit, Shqiptarja.com u interesua pranë Institutit të Shëndetit Publik, nga ku mësohet se mostrat e 46-vjeçarit janë marrë pasdite, por analizat nuk kanë ardhur akoma.
Në Urgjencën e Spitalit të Beratit, sipas mjekut Xhezair Guri në 24 orët e fundit ka pasur 120 vizita. Sipas mjekut, rastet që paraqiten të rënda kalojnë në konsultë me mjekët specialistë infeksionistë. Në fazën kur Ministria e Shëndetësisë ka marrë masat parandaluese për koronavirusin, edhe në spitalin e Beratit është shtuar një mjek infeksionist në gatishmëri për të përballuar rastet që paraqiten me viroza.
Komente
Sa kohe do te zgjase ky virus vdjekje parure se...apo keshtu do vazhdoje gjith jeten me frik ete mbyllur ne shtepu
PërgjigjuPershendetje Shqiptarja.com ju lutem mos e anashkaloni komentin tim, kontaktova me CDC dhe i shkrova dhe nje email WHO-se gjithashtu per ti thene qe Ministria e Shendetesise po na ruan nga paniku por jo nga virusi dhe se nuk po ben asgje ne lidhje me kete te fundit, shpresoj te ma vene veshin dhe te bejne dicka.Nuk duhet pasur frike sepse nuk ka ardhur ende ne Shqiperi dhe dashte Zoti nuk vjen por nuk po shohim masa konkrete.Jam i zhgenjyer.
PërgjigjuNe shipri ka disa vdekje si ky raste.dhe te ifektuar ka .por pavarsiaht se shteti Jon e mohon . Por mos te hap panik .se ne kemi shtet legenash .hajduter mafjoza.
Përgjigjusi ka mundesi qe nuk kan dal analizat ende se ju sikur that pergjigjet dalin brenda 2 oreve? apo nuk doni ta pranoni qe ishte i infektuar me coronavirus
PërgjigjuPo ku i cuan te bejn analizat ne hen nuk duhet me shum se nje or per ta kuptuar se ka apo jo virusin
Përgjigju