Ish-kryetari i Bashkisë Vlorë, Ermal Dredha, ka zhvilluar një takim pasditën e kësaj të mërkure me kryetarin e komanduar, Elis Halili.
Dredha e ka uruar Halilin për marrjen e detyrës, pas dorëheqjes së tij disa ditë më parë.
“Me bindjen dhe besimin që do të bëjë më të mirën për qytetin, i uroj Elisit dhe gjithë ekipit, punë të mbarë në mirëmbajtjen dhe zhvillimin e Vlorës së bukur!”, shkuan Dredha në Facebook.
Në takim kanë marrë pjesë edhe disa drejtorë të bashkisë, duke e shoqëruar këtë moment simbolik të kalimit të detyrës mes dy drejtuesve.
Kujtojmë se Halili u komandua në krye të Bashkisë së Vlorës më 29 vota pro, pas largimit të Dredhës nga posti i kryetarit.
Ndërkohë Prefekti i Vlorës Plator Nesturi, e ka cilësuar si të ligjshëm caktimin e zv/ kryetarit që do të kryejë funksionet e kryetarit të bashkisë deri në zgjedhjen e kryetarit të ri.
Komente
