DORTMUND - Grupi F i Euro 2024 nisi këtë të martë me fitoren 3-1 të Turqisë kundër Gjeorgjisë, në ndeshjet e raundit të parë. Debutim i hidhur për gjeorgjianët e Uilly Sagnol, që paçka disa rasteve të mira nuk ia dolën të merrnin pikë në ndeshjen e parë historike për ta në një turne madhor.
Përballja në "Iduna Park" nisi me sherrin e tifozëve të dy skuadrave në stadium, shoqëruar kjo edhe me rebeshin dhe stuhinë në Dortmund. Dueli u zhbllokua në minutën e 25-të nga turqit me Muldur, që shënoi një supergol fluturimthi.
Vetëm dy minuta më vonë ishte Yildiz që shënoi një gol të bukur, por VAR "ngriu" festën e Turqisë. Në të 32 minutë Gjeorgjia vendosi ekuilibrat me golin e Mikautadze, për ta mbyllur pjesën e parë në shifrat 1-1.
Fillimi i fraksionit të dytë solli supegolin e Arda Guler, me djaloshin e Real Madrid që nga 26 metra kaloi Turqinë në epërsi. Fundi i ndeshjes solli përparimin e Gjeorgjisë, që në fund harroi mbrojtjen.
Në sekondat e fundit portieri i Gjeorgjisë la katërkëndëshin në zhvillimet e një këndoreje dhe Akturkoglu me një kundërsulm dhe portën bosh nuk e pati të vështirë të shënonte golin e tretë për Turqinë.
Tri pikë me vlerë për turqit, që presin sot në mbrëmje rezultatin e Portugali - Çeki.
Renditja e Grupit F
