Në stadiumin antik të Parkut Arkeologjik të Amantias, u organizua festa e këtij qyteti të lashtë. Si një traditë mijëra vjeçare, brezat u takuan në fshatin Ploç.
Zbulimet e fundit arkeologjike kanë shtuar interesin e turistëve për Parkun Arkeologjik të Amantias.
Edhe banorët e zonës vlerësojnë organizimin e festës ku takohen brezat, por thonë se parku ka nevojë për investime infrastrukturore.
Festës në stadiumin antik iu bashkëngjitën aktivitete sportive dhe argëtuese. Qyteti ilir i Amantias është ndërtuar në shek e V-të para Krishtit është një ndër thesaret e Shqipërisë.
'Duhet që ti japim atë që meriton, mbështetjen dhe promovimin që duhet', tha Nertil Bellaj, kryetari i Bashkisë Selenicë.
'Unë nuk jam ndarë asnjëherë nga kjo festë dhe si deputet unë jam munduar që të jap kontributin tim', tha Vullnet Sinaj, deputet i PS.
E veçanta e qytetit antik janë banesat dhe fortifikatat që u ngritën në një terren të vështirë malor.
Ajo përmendet gjithësesi si një qendër peshkopate në antikitetin e vonë, dhe mund të dallohen dhe rrënojat paleokristiane të një bazilike. Deri tani është zbuluar vetëm 10% e saj.
Komente
