KORÇË- Ai ishte nip i Rita Markos, dikur një nga figurat më të larta të pushtetit në Shqipërinë e Enver Hoxhës. Por ndryshe nga lavdia dhe privilegjet që të afërmit e tij kishin në kohën e komunizmit, jeta e 60-vjeçarit Petro Seferi përfundoi në vetmi e në varfëri. Fqinj e shokë të 60-vjeçarit, rrëfejnë për mikrofonin e Report Tv, se Seferi ishte nip i Rita Markos. Trupi i tij i kalbur u gjet në banesë gati 8 muaj pasi kishte ndërruar jetë, duke zbuluar një histori të dhimbshme vetmie.
60-vjeçari Seferi jetonte i vetëm, gruaja dhe dy fëmijët e kishin braktisur. Vajza e ikur në emigrim, ndërsa i biri në Tiranë, prej kohësh nuk ishin kujtuar më për babanë, i cili mbijetoi i vetëm në varfëri në fshatin Mollas të Kolonjës. Kishte punuar në Shërbimin Informativ të Shtetit e më pas si taksist, derisa sëmundja e ‘mposhti’ dhe mbeti i vetëm në banesë në skamje.
Admir Sulejmani, shoku i fëmijërisë, tregon mes dhimbjes për vitet e fundit të jetës së mikut të tij. “Ishte i sëmurë, me tension me zemër, s’kishte mundësi financiare”, thotë ai, ndërsa thekson se gruan e fëmijët nuk ia kishin parë prej kohësh.
“Jam rritur me atë. Nga varfëria vdiq Petrika, nuk e trajtonte shteti, tani kohëve të fundit i dha një kemp edhe siç e pësoi. Ishte i sëmurë, me tension me zemër, s’kishte mundësi financiare, gruaja i kishte ikur, me gjithë fëmijët i kishte ikur. Gruan nuk e kishte, nuk ja kishim parë ndonjëherë fëmijët. Ai dilte që nga shtëpia vinte këtu, pinte cigare kërkonte, s’kishte…”, rrëfen për Report Tv Sulejmani.
Sulejmani kujton se Petroja rrinte shpesh poshtë pallatit, pinte cigare, kërkonte ndihmë, por gjithnjë i thyer shpirtërisht.
"E takonim me ne rrinte, ja ku rri me shtëpi këtu te ky pallati. Kam kohë pa e parë, ne e dinim se ishte jashtë shtetit, mos e kishin marrë fëmijët apo i vëllai. Ja vetëm këtu dilte, nuk kishte fuqi, kishte rënë nga morali nga çdo gjë. Me ne nuk kishte mundësi të dilte për asgjë.
Për shokun e tij, indiferenca e institucioneve është po aq tragjike sa vdekja e parakohshme.
"Nuk ka shtet këtu, komunë apo çfarë ka. Ata vetëm marrin rrogën, nuk interesoheshin që ku është ky person, kur tërhiqte kempin apo çfarë i jepnin. Nuk i dilte as leku, asgjë atij. Këto kohët e fundit më duket se i dhanë kemp. Larë, pa larë, a kishte të paguante ujë, drita. Ai edhe për të folur nuk fliste dot, nuk i shqiptonte dot fjalët ngaqë ishte i sëmurë. Atij i rrinin duart të mavjosura, buzët, se ishte i sëmurë", shprehet ai.
60-vjeçari kishte humbur prindërit, ishte braktisur nga gruaja dhe fëmijët, dhe nuk kishte marrëdhënie as me vëllain e motrën.
"Nuk kishte mundësi, vetëm jetonte, babai, nëna i vdiq, gruaja i iku me gjithë çupë e djalë. Një vëlla që kishte as nuk e kemi parë. Për marrëdhënien me fëmijët nuk të shpjegonte gjë se ishte tip shumë i mbyllur, nuk i kuptoje fjalët që fliste. Asnjeri nuk i hynte dhe i dilte. Kishte mbetur i vetmuar fare. Ai ka edhe një motër. Të afërm ka plot se ai ishte i nipi i Rita Markos që ka qenë në qeverinë e Enver Hoxhës. Kanë qenë njerëz me pozitë. Iku i varfër, pa njeri, e gjetën kockë e lëkurë, të kalbur. Ne nuk dimë as kur ju bë ceremonia e varrimit as ku e shpunë asgjë. Atë nuk e nxirrnin dot se kishte mbetur vetëm kocka. Krimba kishte zënë. 8,muaj llogarit, njeriu brenda 24 orvëve shpërfytyrohet. Ne nuk e pamë ndonjëherë me telefon atë, ai ishte shumë i varfër", tregon ai.
Report Tv shkoi pranë banesës së 60-vjeçarit, ku mësuam se trupin e dekompozuar të 60-vjeçarit e gjeti vëllai i tij, i cili ishte kthyer në vendlindje duke bërë punime në shtëpinë e përbashkët.
Prej 7 ditësh në banesë, ai nuk ishte kujtuar për të vëllanë, me të cilin, në një komunikim janë kamerave për Report Tv, tregoi se nuk kishte asnjë lloj komunikimi pasi nuk kishte celular.
Komente
O shoku i fëmijërisë…kur s’ia ka varur i biri me të bijën, vëllezërit dhe motrat, çfarë pret ti se shteti do jetë më i dhimbsur se familjarët e vetë? Keqardhje për fatin e tij, i paska mbyllur hallet. Ngushëllime s’ke kujt t’i japësh, ai ishte i braktisur nga të gjithë.
PërgjigjuNgjarje renqethese !! Jemi kthyear ne nje shoqeri qe demostrojme jo njerezoren ..... fatkeqesisht i gjithe "zinxhiri",Familje - Shtet - Shoqeri,eshte "Ndryshkur" i teri dhe "hallkat" keputen njera pas tjetres,sikurse edhe kjo .... Bashkekohes'i
Përgjigju