Publikohet fotoja familjare nga darka e mikpritjes së liderëve të NATO-s nga çifti mbretëror holandez, Willem-Alexander dhe bashkëshortja Maxima, në pallatin mbretëror Huis Den Bosch. Fotoja është ndarë edhe nga kryeministri Edi Rama në rrjete sociale.
“FOTO FAMILJARE e darkës së mikpritjes së Familjes Mbretërore për liderët e NATO-s”, shkruan Rama.
Presidenti amerikan, Donald Trump shfaqet me një kostum në nuanca blu, krah të cilit ndodhet homologu turk Rexhep Tayip Erdogan.
Presidenti ukrainas Volodymyr Zelensky, i cili që kur Rusia nisi luftën është shfaqur me veshje në ngjyrë ushtarake, ka “thyer” rregullin dhe është shfaqur me kostum.
Kreu i qeverisë shqiptare ‘spikat’ me kostumin në bezhë, ndërsa është i pozicionuar në fund të radhës për shkak edhe të gjatësisë së tij. Ai shfaqet krah të homologut të tij hungarez, Victor Orban.
Lajmi kryesor:
Samiti i NATO-s/ Rutte: Ukraina e ka vendin në aleancë! Zelensky: Kemi nevojë për armatim dhe mbrojtje ajrore! Trump: Shpresoj të arrijmë rezultate
H.K/Xh.D/ReportTv.al
