TIRANË- 253 prokurorë nga i gjithë vendi ishin të pranishëm në mbledhjen e tyre të përgjithshme për të zgjedhur përfaqësuesin në Këshillin e Lartë të Prokurorisë. Edhe pse gjithçka ishte planifikuar të niste në ora 10, kryeprokurores Arta Marku ju desh të priste vartësit e saj për më shumë se 30 minuta pasi ata nuk respektuan orarin.
E mosrespektimi i orarit të mbledhjes e votimit, i hoqi të drejtën e votës edhe drejtueses së prokurorisë së Krimeve të Rënda Donika Prela.
Prela e pyetur nga Report Tv se përse erdhi me vonesë, tha se kishte pasur një tjetër angazhim.
"Kisha një angazhim tjetër faleminderit", u shpreh Prela për Report Tv.
Me 133 vota në favorin e saj përfaqësuesja e prokurorëve në KLP sipas komisionit u përzgjodh Esmeralda Keshi Cami ish drejtuesja prokurorisë së Dibrës.
Emocionet e para znj.Cami i ndau me ReportTv duke falenderuar kolegët. Ndërsa prokurori i cili ishte në këtë garë por humbi Vladimir Mara tha se pranonte humbjen.
Prokurorët të cilët ndodhen nën ethet e vettingut për integritetin moral, profesional dhe pasurinë këtë mbledhje e shfrytëzuan më së shumti për takime mes tyre si dhe për të prezantuar edhe linjat e modës nga çantat e dorës, kostumet, veshjet dhe aksesorët me vlerë.
Cami do të zëvendësojë në KLP Gentian Osmanin të shkarkuar më herët nga kolegji i posaçëm i apelimit për problemet me pasurinë.
Arta Marku duke votuar
Komente
Po prokurori Klodian Braho ishte ne orar me votu? Pse siu vjen marre. Kalon vetingun ky prokuror gjobaxhi me kunatin trafikant droge. Ku asht Onm?
PërgjigjuKeto prokuror japin pretencen duke pa ne fb......kto jane maskarenjt me te mdhenj te kti vendi!!!
PërgjigjuVetem kuajt po ndryshojne ndersa karroca mbetet po ajo
PërgjigjuPo Prela e ka kaluar vetingun apo jo ?
PërgjigjuTe jene te gjithe te qarte, nuk duam Drejtesi te Nisha-Berishes+Met-Mon, por as qe folet per nje "zevendesim" i kesaj nga nje tjeter Ram-Tahir e lesh. Nderkombetaret te flasin hapur dhe ne ti abandonojme....
Përgjigju