Gjykata Themelore në Prishtinë – Departamenti Special e ka pranuar Kërkesën nga Prokuroria Speciale e Kosovës, që kryeministri i vendit, Albin Kurti të paraqitet në Prokurori për të dhënë dëshminë në cilësinë e dëshmitarit – lidhur me rastin e rezervave shtetërore.
Këtë për KALLXO.com e ka konfirmuar zëdhënësja e Gjykatës së Prishtinës, Mirlinda Gashi.
“Konfirmojmë se Gjykata Themelore në Prishtinë – Departamenti Special ka pranuar Kërkesën në fjalë nga Prokuroria Speciale e Republikës së Kosovës. E njëjta është duke u shqyrtuar nga Gjykata.” – thuhet në përgjigjen e zëdhënëses së Gjykatës së Prishtinës, Mirlinda Gashi.
Me t’u lëshuar ky Urdhër Kurti duhet të paraqitet vullnetarisht në objektet e PSRK-së, por nëse nuk vepron ashtu siç kërkohet Urdhri i Gjykatës i dorëzohet edhe Policisë, e cila më pas duhet ta ekzekutojë Urdhrin për ta sjellë atë për të dhënë dëshminë.
Lajmi kryesor:
Kurti refuzoi të paraqitet në Prokurori si Berisha, Specialja kërkesë gjykatës për ta urdhëruar që të shkojë për të dëshmuar për rezervat shtetërore
S.G/ReportTv.al