Një autokombajnë që përdoret si arsye për të justifikuar pasurinë e dyshuar se vjen nga krimi dhe një fshat i tërë dëshmitar në Gjykatën e Posaçme. Kjo është fabula e një historie të pazakontë që nisi me Operacionin Forca e Ligjit dhe tashmë ka përfunduar në dyert e GJKKO.
Report Tv mëson se 240 banorë të fshatit Kozare në Kuçovë po dëshmojnë me kërkesë të SPAK dhe palës së akuzuar, pro ose kundër Bektash Shtëpenjës, pronar i një autokombanje që korrte grurin në fshat. Institucionet ligjzbatuese dyshojnë se ai ka pasuri të bërë me paratë e dhëna nga i biri i cili është i dënuar për trafik droge në Itali.
Bektashi ka plotësuar formularin e OFL për shtëpinë e tokën duke deklaruar se të ardhurat i ka nga autokambaja të cilën e punon prej vitit 1991 si privat dhe nga 1980 ka qenë pjesë e kooperativës. 240 bashkëfshatarë do dëshmojë në gjyq. Deri tani kanë dëshmuar 120 bujq që thonë "kemi korrur grurin me Bektashin dhe e paguajnë pa faturë se s'kemi pasur kurrë NIPT".
Prej një viti, disa prej tyre kanë bërë NIPT. Prokurorja Elida Kackini ka kërkuar konfiskimin e pasurisë si të ardhur nga krimi. Ditën e sotme, Bektash Shtëpenja nuk ka shkuar sot në gjyq, por ka dërguar djalin me pretendimin se po korr grurin e fshatit.
"Kur të mbarojë gruri, vij në gjyq por kam të ardhura me djersë e punë, jo siç thotë OFL. S'jam kriminel, i gjithë fshati më njeh. Nuk kam manipuluar dëshmitë e fshatit siç thotë SPAK, jam punëtor", mësohet të ketë thënë Shtëpenja.
Në intervistën për Report Tv, Andrea Shtëpenja, i cili ka ndryshuar mbiemrin në Dinga ka pranuar se ka vuajtur dënimin me 5 vite burg në Itali për trafik droge. Megjithatë thotë se familja nuk duhet të ndikohet nga veprimet e të shkuarës së tij.
E ëma e Andreas, Ruzhdije Shtëpenja tha se çdo gjë e kanë përfituar nga puna me 3 autokambajna, ndërsa i biri nuk i ka ndihmuar sepse nuk ka pasur para për vete. Teksa kërkon drejtësi, Ruzhdije Shtëpenja thotë se mund të marrin cdo gjë nëse vërtetojnë se i ka të ardhurat prej parave të drogës.
Kujtojmë se në korrik të vitit 2020, OFL i kërkoi Andrea Dingës (Shtëpenjës) të plotësojë formularin për deklarimin e pasurisë pasi rezultonte i dënuar në Itali.
Dyshohet se i fitoi me para të drogës, SPAK kërkon konfiskimin e 7 pasurive të Bektash Shtëpenjës. SPAK kërkon konfiskimin e 1 sipërfaqeje toke, 1 garazhi, 2 apartamenteve, 2 mjeteve dhe 1 motori Harley Davidson. Sipas SPAK, djali i Bektash Shtëpenjës, Andrea Dinga (Shtëpenja) i dënuar më parë në Itali me 5 vite burg për drogë dhe nuk e justifikon pasurinë.
Dënimi me 5 vite burg për trafik droge në Itali i Andrea Shtëpenjës ka bërë që i gjithë fshati Kozare të paraqitet në GJKKO për të dëshmuar. Në një intervistë për gazetarin e Report Tv, Arsen Rusta, vetë Andrea Shtëpenja konfirmoi se ka qenë i dënuar por kërkon që familjarët të mos ndikohen nga veprimet e tij të së shkuarës.
"Kam qenë i dënuar, çfarë problemi kam bërë, e kam paguar. Tani nuk e kuptoj çfarë kanë familjarët e mi. Nuk ka ndonjë lidhje me jetën time familjare çfarë kam bërë unë, kështu që çfarë kanë, e kanë ata", tha Andrea Shtëpenja, i cili ka ndërruar mbiemrin nga Shtëpenja në Dinga.
Ndërsa i ati nuk ka pranuar të shkojë në gjykatën e posaçme me pretendimin se po korr grurë, ndonëse dyshohet se ka pasuri prej parave të krimit. E ëma e Andreas, Ruzhdije Shtëpenja tha se çdo gjë e kanë përfituar nga puna me 3 autokambajna.
"Kërkon të dijë pse kemi blerë shtëpi. Kemi kaq vite që punojmë me 3 kambajna për misër dhe grurë. Fëmijët kanë qenë në Greqi e Itali. Ai nuk ka lekë për vete, jo për mua. Ndejti 5 vite në burg atje dhe erdhi. Kemi paguar për rrobat se erdhi lakuriq. Kërkoj drejtësi. Nëse i kam me lekë droge, t'i marrë", tha Andrea Shtëpenja.
Ndërsa Andrea shtoi se është larguar rreth moshës 12-13 vjeçare nga Shqipëria, por nuk ka punuar që në atë moshë. Ndër të tjera thotë se prindërit nuk kanë asnjë lidhje me të shkuarën e tij pasi i ati ka vite që punon.
"Kushdo që të shkojë, këdo që të pyesi do u thojë se e njeh të gjitha zona, ka qenë mekanik, brigadier i mjeteve bujqësore dhe nuk ka asnjë mashtrim në mes. Unë nuk e dija se isha jashtë dhe kur kam ardhur, ditën e 3 më erdhën në shtëpi. Mendoja se do vinin, por çfarë lidhje kanë me familjarët. Jetoj me prindërit", tha Andrea Shtëpenja.
Zani Suli, 75 vjeçar, ishte njëri prej 240 fshatarëve të fshatit Kozarë në Kuçovë, dëshmitarëve në SPAK për çështjen e Bektash Shtëpënjas.
Ai tha në mikrofonin e Report Tv se “prej vitesh e ka korrur gjithmonë grurin me Bektashin.
“Ai është fermer i shkëlqyer. Vetëm në dorë ia kemi dhënë lekët. Pardje e korra unë, 6 dynym. Në dorë ia dhashë lekët. Është rritur edhe ccmimi sivjet. Unë nuk e njoh mirë, fëmijët nuk ia njoh por Bektashi nuk është marrë me këto gjëra”, tha dëshmitari.
Komente
SPAKU SHKON TEK FUKARENJTE,,KURSE TEK POLITIKANET DHE OLIGARGET,,AHA NUK HYN SPAKU ATY......
PërgjigjuJam dakort me Nikun te hallexhinjt vete spaku te ata qe dhe po kan shitur ndonje kile droge e kan ber per t ushqyer familjen… po ata ndertus e bisesmen e deputet qe skan shance tu afrohet te tavolina ku pin kafe ata t spakut jo me te apartamenti.. Vila.. garazhdi apo dyqani
PërgjigjuPo trafikimin njerezor, e vajzat qe kishte cuar prostituta ne itali, apo vari trapin? Ky njeri ishte ne kerkim nga Interpol dhe ti po e barazon me ne te tjeter qe punojme e paguajme taksa.
Bravo Bektashit me nje autokombanje ka bere gjithe kete pasuri ne Tirane. Po sikur te kishte 3 te tilla?! Bektash po me kujton Pablo Eskobarin qe me 3 taksi deklaronte 5 milion dollare fitime ne muaj.
PërgjigjuTi ke shume te drejte e ke shlyer gabimin,por OFL shkon tek ata qe sjane te fuqishem dhe bejne cte duan, ndersa tek te fortet qe te peshojne me euro nuk ja mbane byça..
Përgjigju