Këtë të shtunë Serie A e futbollit në Itali është në raundin e 16-të. Gjithçka nisi në orën 15:00 me fitoren e Atalantës në Sardegna, teksa bergamaskët mbajnë kreun e renditjes. Napoli përmbysi 1-3 Udinesen, ndërsa Juventusi barazoi në fund 2-2 me Venezian.
Në "Unipol Domus" vendasit e Cagliarit u mposhtën 0-1 nga Atalanta. Goli i Zaniolos në minutën e 66 vendosi ndeshjen, ndërsa Atalanta me 37 pikë vijon të kryesojë renditjen në elitën e futbollit italian. Te Cagliari Alen Sherri vijon të jetë titullar mes shtyllave, me portierin e Kombëtares që nuk kishte asnjë faj te goli i pësuar. Nga ana tjetër Berat Gjimshiti luajti gjithë pjesën e dytë. Atalanta siguron kështu fitoren e dhjetë radhazi.
Në 'Friuli' vendasit e Udineses u përmbysën 1-3 nga Napoli. Djemtë e Antonio Contes rikthehen kështu te tri pikët pas humbjes kundër Lazios dhe ndjekin kryesuesit e Atalantës. Sfida u zhbllokua pas 22 minutave lojë nga Thauvin. Në pjesën e dytë për Napolin barazoi Lukaku, teksa autogoli i Giannetti i dha epërsinë miqve. Nëntë minuta nga fundi Napoli "vulosi" tri pikët me golin e Anguissa. 35 pikë grumbullon Napoli pas javës së 16-të.
Në "Allianz Stadium" Juventusi shmangu në fund turpin dhe barazoi 2-2 me Venezian. Bardhezinjtë shënojnë kështu barazimin e dhjetë sezonal, ndërsa ende janë skuadra që nuk janë mposhtur në Serie A dhe ndër të paktat që s'e kanë shijuar humbjen në botë këtë sezon.
Ndeshja nisi mirë për "Zonjën", me Gattin që zhbllokoi shifrat pas 19 minutave lojë. Në pjesën e dytë vendasit u befasuan nga Ellertsson dhe Idzes që përmbysën për 1-2. Duhej minuta e fundit kur kryesori do akordonte një 11 metërsh për prekje me dorë në zonë, aty ku Vlahovic nuk gaboi dhe e bën "Zonjën" të pathyeshme këtë sezon, paçka katër barazimeve radhazi.
Serie A, raundi 16-të:
E shtunë, 14 dhjetor 2024
15:00 Cagliari 0-1 Atalanta
18:00 Udinese 1-3 Napoli
20:45 Juventusi 2-2 Venezia
Renditja:
Në "Allianz Stadium" Juventusi shmangu në fund turpin dhe barazoi 2-2 me Venezian. Bardhezinjtë shënojnë kështu barazimin e dhjetë sezonal, ndërsa ende janë skuadra që nuk janë mposhtur në Serie A dhe ndër të paktat që s'e kanë shijuar humbjen në botë këtë sezon.
Ndeshja nisi mirë për "Zonjën", me Gattin që zhbllokoi shifrat pas 19 minutave lojë. Në pjesën e dytë vendasit u befasuan nga Ellertsson dhe Idzes që përmbysën për 1-2. Duhej minuta e fundit kur kryesori do akordonte një 11 metërsh për prekje me dorë në zonë, aty ku Vlahovic nuk gaboi dhe e bën "Zonjën" të pathyeshme këtë sezon, paçka katër barazimeve radhazi.
Me 28 pikë Juventusi mban vendin e gjashtë, ndërsa Venezia ndodhet në fundin e ftohtë.
Në 'Friuli' vendasit e Udineses u përmbysën 1-3 nga Napoli. Djemtë e Antonio Contes rikthehen kështu te tri pikët pas humbjes kundër Lazios dhe ndjekin kryesuesit e Atalantës. Sfida u zhbllokua pas 22 minutave lojë nga Thauvin. Në pjesën e dytë për Napolin barazoi Lukaku, teksa autogoli i Giannetti i dha epërsinë miqve. Nëntë minuta nga fundi Napoli "vulosi" tri pikët me golin e Anguissa. 35 pikë grumbullon Napoli pas javës së 16-të.
Në "Unipol Domus" vendasit e Cagliarit u mposhtën 0-1 nga Atalanta. Goli i Zaniolos në minutën e 66 vendosi ndeshjen, ndërsa Atalanta me 37 pikë vijon të kryesojë renditjen në elitën e futbollit italian. Te Cagliari Alen Sherri vijon të jetë titullar mes shtyllave, me portierin e Kombëtares që nuk kishte asnjë faj te goli i pësuar. Nga ana tjetër Berat Gjimshiti luajti gjithë pjesën e dytë. Atalanta siguron kështu fitoren e dhjetë radhazi.
