Real Madrid është rikthyer te fitorja duke mposhtur 4-0 Osasunën në "Bernabeu" për raundin e 13-të në La Liga. Tripletë për Vinicius dhe tre dëmtime të reja shqetësojnë Ancelottin.
Ndeshja nisi "malore" për Real Madrid, që u detyrua të bënte dy zëvendësime të detyruara. Rodrigo në minutën e 20-të dhe Militao (mbylli sezonin) në të 30-n i lanë vendin Diaz dhe Asencio për shkak të dëmtimeve.
Goli i parë i ndeshjes erdhi në minutën e 34 me autor Vinicius, kjo pas pasimit të Bellingham. Në të 42 minutë ishte anglezi që shënoi pas pasimit të Asencio. Në fraksionin e dytë Lucas i lënduar i la vendin Modric. Ishte Vinicius në minutat 61 dhe 69 që shënoi dy gola të tjerë për të kompletuar "pokerin" madrilen. Ndërkohë 90 minuta "shterpë" për Mbappe. Real Madrid mban sërish vendin e dytë me 27 pikë, gjashtë më pak se kryesuesit e Barcelonës.
Dëmtimi i Militaos
Pas analizave që i janë bërë mbrojtësit Eder Militão nga shërbimet mjekësore të Real Madridit, ai është diagnostikuar me një këputje të plotë të ligamentit të kryqëzuar anterior në këmbën e djathtë, që do të thotë mbyllje e sezonit.
Fitorja 4-0 kundër Osasunës nuk ka qenë pa telashe për Real Madrid, me "Galaktikët" që njoftojnë se mbrojtësi Eder Militao ka një dëmtim në gju dhe ka mbyllur sezonin. Dëmtimi është i përsëritur për brazilianin që vuan dëmtimin e rëndë. Pas analizave që i janë bërë mbrojtësit nga shërbimet mjekësore të Real Madridit, ai është diagnostikuar me një këputje të plotë të ligamentit të kryqëzuar anterior në këmbën e djathtë, që do të thotë mbyllje e sezonit. Të lënduar nga kjo ndeshje edhe Rodrygo dhe Lucas.
