GREQI - Santorini dhe rajoni përreth janë në gjendje alarmi pas një serie termetesh që kanë goditur zonën në 48 orët e fundit, me mbi 200 lëkundje të regjistruara.
Tërmeti më i fuqishëm deri tani ka arritur në 4.6 të shkallës Rihter, me epiqendër pranë ishullit të pabanuar Anydros, pranë Santorinit.
Forcat e Emergjencës (EMAK dhe EMODE) janë dërguar në zonë me ekipe shpëtimi dhe pajisje dron.
Rekomandimet për qytetarët
Shmangia e grumbullimeve të medha brenda ndërtesave.
Largimi nga ndërtesat e braktisura dhe portet kryesore si Ammoudi, Armeni, Korfos dhe Palaio Limani i Firas.
Zbrazja e pishinave për të shmangur rrezikun e dëmtimeve strukturore në rast tërmeti.
Zgjedhja e rrugëve të sigurta, sidomos në zona me rrezik të lartë për rrëshqitje dheu.
Në rast të një tërmeti te fuqishëm, rekomandohet largimi i menjëhershëm nga zonat bregdetare.
Ekspertët theksojë se aktiviteti është i natyrës tektonike dhe jo vullkanike. Rreziku i një tërmeti deri në 6 shkallë të Rihterit nuk përjashtohet, por mundësia për dëme të mëdha është e kufizuar, sidomos në ndërtesat e reja të ndërtuara sipas standardeve antisizmike.
Masat shtesë
Mbyllja e shkollave në Santorini, Anafi, Ios dhe Amorgos deri me 3 shkurt.
Forcat e Armatosura janë në gadishmëri për të ndihmuar në rast emergjence.
Autoritetet detare kanë udhëzuar pronarët e mjeteve lundruese të jenë në gatishmeri për evakuim të mundshëm.
Mbledhja e thirrur nga kryeministri Kyriakos Mitsotakis
Një mbledhje nën drejtimin e Kryeministrit Kyriakos Mitsotakis u zhvillua në Megaro Maximos (kryeministri) me fokus aktivitetin e fundit sizmik në zonën detare midis Santorinit dhe Amorgos.
Përveç Kryeministrit, në mbledhje morën pjesë Ministri i Mbrojtjes Civile Vasilis Kikilias, Shefi i Shtabit të Përgjithshëm të Forcave të Armatosura Dimitris Choupis, Thanasis Ganas nga Instituti Gjeodinamik dhe profesori i Katastrofave Natyrore Kostas Synolakis.
Deklaratat pas mbledhjes
Pas përfundimit të mbledhjes, Vasilis Kikilias bëri deklarata mbi vendimet e marra:
“Sapo përfunduam mbledhjen nën drejtimin e Kryeministrit, ku ai dhe të tjerët u informuan nga ekipi ynë shkencor. Informimi do të vazhdojë në mënyrë të vazhdueshme. Po shqyrtohen të gjitha të dhënat e aktivitetit sizmik, dhe masat e marra deri tani janë parandaluese. Informimi do të jetë i pandërprerë dhe do të ketë mbledhje të vazhdueshme të Komitetit për Menaxhimin e Rrezikut Sizmik. U bëj thirrje qytetarëve tanë që të ndjekin udhëzimet e specialistëve dhe të respektojnë masat për të përballuar këtë situatë. Ekziston vigjilencë, masat janë parandaluese dhe organizimi është i plotë. Duke qenë se ka një komitet dhe shkencëtarë të specializuar, bëj një thirrje të ngrohtë për të gjithë që të dëgjojnë faktet nga ekspertët për një informim të saktë.”
Analiza e ekspertëve – Aktiviteti sizmik i ngjashëm me atë të viteve 2011–2012
Gjatë mbledhjes, sizmologët analizuan situatën dhe vërejtën se aktiviteti aktual sizmik i ngjan atij të viteve 2011–2012, por me intensitet më të madh dhe me një mesatare më të lartë të dridhjeve.
Ka shqetësim, por brenda kufijve logjikë. Frika më e madhe lidhet me mundësinë e një tërmeti mbi 6 shkallë të Rihterit. Vlerësimi i masave do të bëhet çdo ditë.
Mbyllja e shkollave dhe anulimi i aktiviteteve publike
Që nga mëngjesi i së dielës, janë regjistruar dhjetëra pasgoditje mbi 3.4 shkallë të Rihterit në zonën detare midis Santorinit dhe Amorgos. Dridhja më e fortë ishte 3.7 shkallë të Rihterit, e regjistruar në orën 7:29.
Kryetari i Organizatës për Planifikimin dhe Mbrojtjen Kundër Tërmeteve (OASP), profesori Efthymios Lekkas, thirri një mbledhje urgjente të Komitetit të Përhershëm Shkencor për Vlerësimin e Rrezikut Sizmik dhe Komitetit të Përhershëm Shkencor për Monitorimin e Harkut Vullkanik Grek. Qëllimi ishte vlerësimi i aktivitetit sizmik dhe marrja e masave të mundshme parandaluese.
Komiteti rekomandoi mbylljen e shkollave në Santorini dhe shmangien e grumbullimeve masive në ambiente të mbyllura. Gjithashtu, qytetarëve u rekomandohet të shmangin qëndrimin pranë porteve të Ammoudit dhe Portit të Vjetër të Firas, për të siguruar sigurinë e tyre në rast të një tërmeti më të fortë.
Në vijim të këtyre masave, komuna e Thirës njoftoi zbatimin e tyre, duke i bërë thirrje banorëve të tregojnë kujdes dhe të ndjekin udhëzimet e autoriteteve. Shkencëtarët vazhdojnë të monitorojnë zhvillimin e aktivitetit sizmik për të vlerësuar veprimet e mëtejshme që mund të jenë të nevojshme.
Banorë e turistë në radhë për bileta kthimi, pas valës së tërmeteve
Organet greke janë vënë në alarm pas aktivitetit intensiv sizmik të ditëve të fundit në zonën detare në ishujt Cyclades, midis Santorinit dhe Amorgos. 14 prej tërmeteve patën magnitudë nga 4 deri në 4.7 shkalla Rihter, me thellësi nga 4 deri në 10 km. Rekordi ishte regjistrimi i 18 lëkundjeve sizmike brenda një ore.
Autoritetet tremben për më të keqen, pasi sizmiologët e njohur flasin edhe për mundësinë e një aktiviteti vullkanik të zgjuar, pasi 3 nga katër shenjat janë të dukshme.
Profesori turk i Gjeofizikës, Ovgun Ahmet Ercan, përmes postimit të tij në platformën “X”, tregoi dhe rreziqet që vibrimet sizmike mund të shkaktojnë në ishujt përreth, duke konfirmuar se ato vijnë nga vullkani, informon media greke.
Autoritetet këshilluan banorët e Santorinit, një nga destinacionet kryesore turistike të Greqisë, të shmangin dy porte të vogla, të mos grumbullohen masivisht në hapësirat e brendshme, ndërsa shkollat do të jenë të mbyllura gjatë ditës së hënë. E njëjta gjë do të vlejë edhe për ishujt Amorgos, Ios dhe Anafi, pasi zona ka të çara sizmike të mëdha dhe nuk përjashtohet mundësia e një tërmeti të fortë.
Shumë qytetarë dhe turistë po lënë vendin, duke prerë bileta kthimi me urgjencë.
Sipas Ministrit të Mbrojtjes Civile dhe Katastrofave, po analizohen të gjitha të dhënat e aktivitetit sizmik dhe masat që janë marrë deri më tani janë thjesht parandaluese.
Megjithëse sizmologët deklarojnë se lëkundjet janë tektonike dhe nuk lidhen me aktivitetin vullkanik, të tre vullkaneve në këtë zonë, dy prej të cilëve nënujorë, këshillojnë banorët të zbatojnë masat që ata kanë marrë. Gjithsesi edhe dyshimet për vullkan nuk përjashtohen.
Si masë paraprake në ishullin e Santorinit ka shkuar një ekip i Njësisë Speciale të Reagimit ndaj Fatkeqësive natyrore me një qen shpëtimi, 2 ekipe të Njësisë së Parë të Operacioneve Speciale Pyjore si dhe një ekip i operatorëve të dronëve, të cilët janë vendosur në çadrat e qendrës sportive të ishullit. Bashkia ka njoftuar gjithashtu edhe pikat e grumbullimit në të cilat njerëzit do të vijnë në rast emergjence.
Por ka edhe shumë turistë dhe banorë që kanë krijuar radhë para zyrave të linjave ajrore duke kërkuar një biletë për t’u larguar, vlera e së cilës tashmë kalon 200 euro.
Ndërsa Santorini vazhdon të regjistrojë tërmete të tjera të vogla, autoritetet greke kanë hapur një numër të madh çadrash për qytetarët të cilët për arsye sigurie duan të kalojnë natën jashtë banesave të tyre.
Santorini dhe rajoni përreth janë në gjendje alarmi pas një serie termetesh që kanë goditur zonën në 48 orët e fundit, me mbi 200 lëkundje të regjistruara.
Fotot e mëposhtme tregojnë disa nga dëmet e shkaktuara në Santorini të Greqisë, si pasojë e tërmete të shumta.
Një mbledhje urgjente do të zhvillohet sot në ora 19:00 në Megaro Maximos (kryeministria greke) nën drejtimin e Kryeministrit Kyriakos Mitsotakis, për të vlerësuar situatën.
Komente
