Në ditën e tretë të grevës së urisë të grave naftëtare, ata janë vizituar nga kryetarja e LSI-së, Monika Kryemadhi. Kryemadhi e ka cilësuar grevën e urisë duke hequr një paralele me djegien e mandateve të opozitës, që sipas Kryemadhit po nuk bë një hap i tillë ekstrem nuk kujtohet njeri për ta.
"Ne që të vijmë këtu duhet të bëjmë. Nuk dua të përfshihem politikisht dhe kjo edhe keqkuptohet. Ne e kemi më të vështirë si gra të vijmë se përfshihemi emocionalisht. Të jesh grua në shtëpi, të mbash fëmijët e punët por të punosh edhe në naftë dhe të mos paguash… Unë mendoj për zgjidhjen e cila nuk është vetëm te pagat, por te vazhdimësia e cila është ndër gjërat e panegociueshme. Njerëzit nuk e dinë pse jeni në grevë urie. Njerëzit nuk e dinë që kjo ka ndodhur me një firmë. Unë po e studioj këtë si histori. Që ku nisi protesta për Poçemin. Unë mendoj se evidentimi i problematikave është mjaft i rëndësishëm. Pozicioni juaj është si djegia e mandateve tona, që po nuk bëmë një hap të tillë nuk kujtohet njeri për ne. Ne duhet të shohim se kush është ngërçi. Problemi është se këtu koka është po e njëjta. Problemi është se e kemi diskutuar edhe me Kejdin që është gocë Mallakastër. Zonjat e Fierit do të vijnë në Tiranë për shkak të lëvizjeve sociale", tha Kryemadhi.
Ndërsa gratë naftëtare kanë kërkuar zgjidhje për këtë problem, duke bërë të qartë se për ta nuk ka aspak rëndësi partia politike apo personi që do jua jap zgjidhjen.
"Mblidhuni dhe jepni një zgjidhje kushdo qoftë, jepini një zgjidhje. Nuk është më koha të gjejmë se kush e hapi gropën, ajo iku, tani ne duam zgjidhje. Unë dua të ha nuk dua tesë partie. Sot diskutohet buka. Kemi punuar 30 vite në arin e zi. Ne kemi naftën dhe e shesim ndërkohë që e gjithë bota lufton për ta", thanë gratë naftëtare.
Gratë e Ballshit janë në ditën e 3 të grevës dhe sot shprehen më të revoltuara se asnjëherë, për shkak se nuk kanë marrë përgjigjen që meritojnë. Ato shprehen se kërkojnë djersën e tyre dhe se rafineria të nis punën.
Komente
Po pse moj Nafije dybeku se paske mare Klejdi dhembcakallen e leshitlikes se ajo jua qan hallet mire naftetareve se eshte e zones, ose te pakten te merrje Nora bythderren gjithollogen qe te perlotej kur te fliste Nafija
Përgjigju