Saranda do të jetë gati për të pritur turistët për sezon turist qe po vjen. Kryebashkiaku i Sarandës, Adrian Gurma në një intervistë për Report Tv tha se të gjitha investimet infrastrukturore në shëtitoren e qytetit janë drejt fazës së përmbylljes dhe se në sezonin turistik do të jetë gjithçka gati për turistët.
Gurma bëri të ditur se në 2022 do të jetë gati edhe rruga Lëkurs- Kanali i Çukës që do të lehtësoj ndjeshëm trafikun në Sarandë.
“Ritmet e punimet në shëtitore janë të kënaqshëm dhe janë realizuar një pjesë e madhe e punimeve dhe në sezonin turistik që vjen shpresojmë që do të jetë gati dhe punimet do të jenë mbyllur. Aktualisht punimet në shëtitore janë drejt fazës përmbyllëse dhe me nisjen e sezonit turistik shëtitorja të jetë gati për qytetarët dhe turistët. Jemi duke përgatitur edhe një investim të madh që do i jap një tjetër qasje fluksit dhe lëvizjes në qytet për rrugën Lëkurs-Kanali i Çukës, është një investim madhor dhe do të lehtësoj trafikun. Ky investim do të jetë gati, por në 2022 do të jetë gati”, tha Gurma.
Në lidhje me ofertat kulturore dhe turiste për turistët, Gurma tha se po punohet me Fondin Shqiptar për Zhvillim që të krijojnë një muze multifunksionale dhe një qendër sportive multidimensionale që do të jenë pjesë e paketave turistike për turistët.
“Investimet përmirësojnë ndjeshëm ofertën turistike por duhet të kemi investime edhe në kulturë dhe art dhe jemi ende në diskutime dhe duke planifikuar një paketë të rëndësishme investimesh me Fondin Shqiptar të Zhvillimit. Në shëtitore do të ndërtojmë një muze multi-funksionale që të ekspozojmë pasuritë tona dhe kulturë. Do të sjellim Butrintit një hap më afër. Do të ndërtojmë një qendër multidimensionale sportive dhe dëshirojmë të rikonstruktojmë sallën e kinoteatrin duke paraqitur projektin tek një donator serioz”, tha Gurma.
Denoncimi i rasti i dy motrave me aftësi të kufizuar që jetojnë në kushte të mjerueshme dhe mungesë totale higjiene në një banesë në Sarandë ka vënë në lëvizje institucionet në mënyrë që të gjejnë një zgjidhje për këtë çështje. Kryebashkiaku i Sarandës, Gurma tha se po punohet për sistemin e tyre me kujdesin social, ndërsa familjarë nuk i janë përgjigjur apelit që t’i marrin në kujdestari ndërsa shpenzimet e tyre do të paguheshin nga bashkia. Gurma tha se në banesë janë ndërruar të gjitha orenditë, ndërsa apo punohet që të transferohen në një institucion rezidencial, por që ligji lejon strehimin e tille deri në moshën 21 vjeç dhe kjo ka sjellë një ngërç për të cilin po punohet për zgjidhjen.
“Kemi marrë masat kemi bërë këqyrjen në banesë dhe në bashkëpunim me spitalin e qyteti për zhvendosjen e zonjave për një kohë aty. Por me rritjen e rasteve me covid, stafi i spitalit tha që të mos vendoseshin aty pasi mund të prekeshin nga covid-19, bashkia shërbimi i kujdesit social dhe ndërmarrja e shërbime morën masa për të ndërruar të gjitha orenditë në banesë dhe u futëm në komunikim me familjarët për të marrë në kujdestari ato duke i paguar shtetit të gjitha shpenzimet. Fatkeqësisht familjarët nuk i janë përgjigjur thirrjes tonë. Sot kama pasur një komunikim me drejtorin e kujdesit social për Vlorën për të zgjidhur këtë problematikë. E vetmja mënyrë është që ato të transferohen në një institucion rezidencial. Ligji lejon personat rezidencial deri në moshë 21 vjeç dhe për këtë është pengesë duke punuar me kujdesin social dhe presim një përgjigje”, tha Gurma.
