Djali i presidentit të Shteteve të Bashkuara të Amerikës, Donald Trump Jr., beson se bombardimet e NATO-s ndaj Serbisë gjatë luftës së fundit në Kosovë kanë ardhur si pasojë e një skandali mes ish-presidentit të SHBA-ve, Bill Clinton dhe një praktikanteje në Shtëpinë e Bardhë, Monica Lewinsky.
Donald Trump Jr. gjatë qëndrimit në Serbi, ka zhvilluar një intervistë me presidentin e Serbisë, Aleksandar Vuçiç. Në intervistën e publikuar në kanalin e tij zyrtar në “Rumble Studio” – i cili numëron mbi 1.5 milionë ndjekës – Trump Jr, fillimisht flet për vizitën e tij në Serbi e më pastaj prezanton në pika të shkurta një historikë të shtetit të Serbisë.
Ai e prek edhe temën e fushatës së bombardimeve të NATO-s, ku si të mirëqenë e merr një teori konspirative që ka qarkulluar asokohe.
“NATO e bombardoi Serbinë në vitin 1999, çka çoi në tërheqjen e forcave serbe nga Kosova. Kjo ndodhi në kulmin e skandalit Bill Clinton – Monica Lewinsky. Shumëkush, sidomos tani, në retrospektivë, e shohin këtë bombardim si një shpërqendrim nga ai dështim i Bill Clinton-it”, thotë Trump Jr., para fillimit të intervistës me Vuçiç.
Skandali Bill Clinton dhe Monica Lewinsky u zhvillua në kulmin e mandatit të residentit Clinton dhe pati një ndikim të madh në jetën politike dhe imazhin e tij. Ndërkohë, në vitit 1999, kur skandali po arrinte kulmin, një tjetër ngjarje e rëndësishme ndodhi: NATO filloi bombardimet në Serbi.
Asokohe ka pasur shumë spekulime dhe teori që lidhin këto dy ngjarje. Disa kanë sugjeruar se bombardimet e NATO-s mund të kenë qenë një mënyrë për të larguar vëmendjen publike nga skandali i Clinton dhe për të “shpërqendruar” mediat dhe opinionin publik nga hetimet ndaj tij.
Po ashtu, në po këtë “Podcast” – i shikuar nga mbi 280 mijë persona – Trump Jr. ka shfaqur një hartë të Ballkanit Perëndimor, ku Kosova figuron si pjesë e Serbisë.
Një ndër temat e diskutuara me Vuçiç, siç shpjegon Trump Jr, në hyrje të intervistës, është siç e quan ai “çështja e Kosovës” dhe procesi i dialogut ndërmjet Kosovës dhe Serbisë, i ndërmjetësuar nga Bashkimi Evropian.
Në këtë pikë Trump Jr. përkujdeset që fjalën “normalizim” ta vë në thonjëza, duke treguar kështu mosbesimin e tij për këtë proces.
“BE-ja dhe madje edhe shumë njerëz në Washington dëshirojnë t’i ‘normalizojnë’ marrëdhëniet ndërmjet Kosovës dhe Serbisë, por Serbia vazhdon dhe argumenton me pasion të madh se Kosova është pjesë e territorit të saj sovran”, ka thënë Trump Jr.
Komente
Shikoni filmin "Wag the dog" I 1997, dy vjet perpara, eshte situate copy&paste dhe ndoshta skenari eshte shume (ndoshta teper) afer asaj qe vertet ndodhi 2 vjet me vone
PërgjigjuAsnje njeri i arsyeshem NUK i beson ketij!
PërgjigjuKy qeka paska shko per lesh
PërgjigjuKy faqe pa' ruari thote idiotesira or ameriqen po gjite ajo spastrim etnik qe u be per ate qe thua per klintoni po toni blere c'è fare do mbulonte meru me ate qe Ke ne jete lere politike!
PërgjigjuBabe e bir jan bo per te qesh.Te dy kan si moto biznesin perpara Amerikes.Po harrojne qe Amerika do i ndeshkoje shume shpejt
PërgjigjuBëmë baba të të ngjaj. Idiot babai,idiot i biri dhe kokrra e idiotit ai qe beri babain…hahahahah Amerika po behet dita e ditës më qesharake. Sikur po lexojme barcoleta. Mendova se vetem ne Ballkan gatuhej kësi çorbe,por me sa duket USA e paska prishur çorben fare edhe ngadalë kanë filluar te vuajne pasojat.good luck me demek demokracia me komuniste. Edhe USA bë si Rusia i ka kaluar e gjithe admkniatrata ne dore manjateve te Trump…eshte rikthyer 1930 ne USA
Përgjigju