VLORË- Një 34-vjeçar është arrestuar pasi ka vjedhur 4 celularë në spitalin e Vlorës. 34-vjeçari Arben Murati futej në dhomat e pacientëve gjatë natës dhe ka arritur që të vjedhë celularë.
Kamerat e sigurisë, siç shihet edhe në këto pamje, e kanë fiksuar momentin kur ai futet në dhomë më datë 31 korrik dhe del me celularin e vjedhur në duar.
Vodhi 4 celularë në dhomat e pacientëve në spitalin e Vlorës, gjatë natës, identifikohet dhe arrestohet 38-vjeçari.
“Shërbimet e Komisariatit të Policisë Vlorë, pas marrjes së njoftimit se në dhomat e pacientëve në spitalin e Vlorës, ishin vjedhur disa celularë, kanë kryer të gjitha veprimet hetimore dhe, bazuar në pamjet filmike dhe në provat e tjera të siguruara, kanë finalizuar operacionin policor të koduar “Storm 24”. Si rezultat, u bë identifikimi dhe arrestimi i autorit të dyshuar të vjedhjes, shtetasit:
A. M., 38 vjeç, banues në Vlorë.
Nga veprimet hetimore dyshohet se 38-vjeçari, më datë 31.08.2024, gjatë natës, ka vjedhur 4 celularë të pacientëve që merrnin mjekim në spitalin e Vlorës”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
Komente
Me i fjalë ka hy në spital në moshën 34vjeçare e ka dal kur ka mbush 38 ?!
Përgjigju