TIRANË- Një konkurs ndërkombëtar me 10 studio prestigjioze është hapur për të ndërtuar 4 godina të reja për administratën publike. 10 studiot prestigjioze i paraqitën sot jurisë ndërkombëtare projektidetë për 2 prej godinave, të cilat do t’i hapin rrugë një qasje të re për ndërtimin e zyrave dhe krijimin e hapësira të reja të shërbimeve bashkëkohore për administratën publike.
I pranishëm ishte edhe kryeministri Edi Rama, i cili në fjalën e tij tha se këto projekte i përgjigjen nevojave dhe vizionit të ‘Shqipërisë 2030’. Rama tha se institucionet publike paguajnë miliona euro qira në vit për të ushtruar aktivitetin e tyre, por sipas Ramës këto ambiente nuk i përgjigjen vizionit për Shqipërinë 2023.
“Janë 10 finalistë të ndarë në 2 grupe, 5 për çdo grup, që përballë jurisë ndërkombëtare do të prezantojnë projekt idetë e tyre lidhur me 4 zhvillime të rëndësishme, të cilat janë 4 zhvillime që i hapin rrugë një faze të re, një qasje të re dhe pa diskutim edhe një roli të ri të shtetit në raport me pronën publike.
Aktualisht sot për ta bërë të qartë për të gjithë ata që nuk janë të informuar në brendësi lidhur me këtë nisëm, institucionet publike paguajnë disa miliona euro në vit qera, për të ushtruar aktivitetin e tyre në mjedise që janë larg së qeni të denja për ambicien tonë të Shqipërisë 2030, janë larg së qenit të denja për atë çka meritojnë qytetarët të cilët shërbehen nga këto institucione, janë larg së qenit të denja për kushtet në të cilat në fakt duhet të punojnë shërbëtorët e shtetit.
E përveçse janë miliona e miliona euro që shkojnë çdo vit për qera, janë një sërë institucionesh që vazhdojnë të ushtrojnë aktivitetin e tyre në godinat të cilat nuk kanë asnjë lloj vlere të asnjë natyre. Jo vetëm që nuk kanë asnjë vlerë arkitektonike, por paraqesin edhe probleme te vazhdueshme mirëmbajtje si rezultat i të qenit godina të vjetra të trashëguara nga periudha komuniste dhe njëkohësisht të përdorura për qëllime të reja që nuk përshtaten fare me ato mjedise", tha Rama.
Në këto 4 godina të reja që pritet të ndërtohen për administratën publike, Rama tha se do të akomodohen një sërë institucionesh, rreth 25, që janë sot në nevojë të madhe për të pasur një vend të denjë.
“Faktikisht sot arkitektet janë thirrur të në ofrojnë idetë dhe projektet e tyre për të na dhënë mundësinë të ndërtojmë një kompleks të madh qeveritar, i cili do të akomodojë një numër të konsiderueshëm institucionesh dhe nga ana tjetër edhe një tjetër godinë publike ku do të akomodohen të tjera institucione që janë sot në nevojë të madhe për të pasur një vend të denjë për të gjitha kërkesat e tyre”, tha Rama.
Rama tha se shteti s’do japë me prona te privati, por me këtë ide të re shteti do të vendosë në dispozicion pronat publike dhe investitorët ftohen për të ndërtimin e projekteve. Kështu, Rama thotë se shteti si pronar i truallit do të përfitojë një infrastrukturë të re për institucione publike që ende rrinë në mjedise me qira, si Biblioteka Kombëtare.
“Faktikisht ajo që do të ndodhë falë agjencisë në fjalë, pra Korporatës Shqiptare të Investimeve është që shteti nuk do të dorëzojë më prona ashtu siç i ka dorëzuar në të shkuarën tek privatët, por do të futet në një rol po aq aktiv si përfaqësues i pronës së vet përmes AIC për të nxjerrë nga shfrytëzimi i pronave publike, të mira publike dhe natyrisht edhe për të nxjerrë përfitime financiare për vetë shtetin që do të shërbejnë për investime të mëtejshme.
Shteti vendos në dispozicion pronat publike dhe më pas fton në konkurs investitorë vendas e të huaj për ndërtimin e projekteve, nga ku shteti do të përfitojë si pronar i truallit një infrastrukturë të re për institucione publike që ende rrinë në mjedise me qira apo ende nuk e kanë selinë e tyre të shekullit të ri, si për shembull Biblioteka Kombëtare”, tha Rama.
2 prej godinave pritet të ndërtohen në rrugën ‘Sulejman Delvina’ dhe tjetra pranë bulevardit Zhan Dark, por ende nuk dihen se cilat institucione do të akomodohen aty.
Ndërkohë Elira Kokona, Drejtoreshë e Përgjithshme e Korporatës Shqiptare të Investimeve (AIC) tha se tre prej projekteve janë ndërtimi i Korpusit të Sigurisë, ndërtimi i Bibliotekës Kombëtare dhe rijetëzimi i stadiumit “Selman Stërmasi” në bashkëpunim me Bashkinë e Tiranës.
Në miratimin në më pak se 9 muaj të akteve ligjore dhe nënligjore, të 2 partneriteteve ndërkombëtare, të një strategjie në proces dhe 25 marrëveshjeve të bashkëpunimit me institucionet publike, që janë përfitues direkt, sot jetësojmë dy projektet e para të investimit që do t’i hapin rrugën 3 projekteve investimi që janë ndërtimi i Korpusit të Sigurisë, ndërtimi i Bibliotekës Kombëtare dhe rijetëzimi i stadiumit “Selman Stërmasi” në bashkëpunim me Bashkinë e Tiranës, tha ajo.
ANDREA CAPUTO (Itali) dhe SO-IL (USA)
COLDEFY (Francë)
EMBT Architects (Spanjë)
SNOHETTA (Norvegji)
ZAHA HADID Architects (UK)
ARCHI-TECTONICS (USA)
ARCHITECTURE STUDIO (Francë)
BAUKUH (Itali)
COOK RESEARCH (Angli)
MAD Office (SHBA)
Çelen konkurset për dy projektet e para të Korporatës Shqiptare të Investimeve. Studio arkitekturore ANDREA CAPUTO (Itali) dhe SO-IL (USA) propozon projektin për të ndërtuar tek zona kur dikur ka qenë godina e ATSH-së tek rruga e Elbasanit.
Në praninë e kryeministrit Edi Rama dhe kryetarit të Bashkisë së Tiranës, Erion Veliaj u zhvillua sot në kryeqytet një Konkurs Ndërkombëtar, ku 10 studio prestigjioze paraqitën përpara jurisë projekt-idetë për 4 zhvillime të reja, të cilat do t’i hapin rrugë një qasje të re për krijimin e zyrave dhe shërbimeve bashkëkohore për administratën publike.
Kreu i Bashkisë së Tiranës tha se këto konkurse janë tashmë një traditë që në kohën kur Edi Rama drejtonte Bashkinë e Tiranës dhe që e ka kthyer Tiranën në laboratorin më të madh të arkitekturës, të estetikës, të së bukurës dhe shijes që prodhon ekonomi.
“Tirana është sot hapësira ku jeton 40% e popullsisë së Shqipërisë, një hapësirë që prodhon 50% të ekonomisë së vendit. Kjo do të thotë se çdo investim në Tiranë, tamam si ata rrathët koncentrikë, ka fuqinë që të shumohet në të gjithë territorin e Republikës së Shqipërisë”, tha Veliaj.
Ai renditi disa nga projektet që Bashkia e Tiranës ka bërë me urbanistikën dhe që kanë prodhuar ekonomi për vendin.
“Sot kemi stadiumin kombëtar, Pazarin e Ri, territore që kanë qenë territore të shkreta, por që kanë prodhuar ekonomi, përtej vetëm funksionit bazë të atij projekti. Ndërkohë, një fushatë e mbjelljes së pemëve dhe kujdesit ndaj mjedisit, që ka filluar që në vitet 2000 dhe ajo skuadër që drejtonte Bashkinë e Tiranës u shpërblye para pak javësh, kur Agjencia Evropiane e Mjedisit e cilësoi Tiranën një nga 10 kryeqytetet më të gjelbra. Kjo do të thotë se çdo investim tjetër duam ta shohim në këtë prizëm, se si është i gatshëm për të përballuar ndryshimet klimaterike të së ardhmes, se si e ul kontributin jo vetëm në energji, por edhe gjurmën e karbonit në qytetin tonë”, u shpreh Veliaj.
Ai tha se çdo projekt i ri i rrit vlerën pronës dhe rrit cilësinë e gjithë zonës ku investohet, duke sjellë një realitet të ri për kryeqytetin.
“Qoftë edhe një shkollë e bërë për së mbari, një ndërtesë që ka firmën e një kompanie prestigjioze, ndikon në të gjithë ekosistemin e pronave dhe të imobiliareve. Ndaj, duam që të shohim se si në këto 4 vatra investimi do të prodhojë më shumë mirëqenie, edhe një rritje të vlerës imobiliare në të gjithë atë zonë. Jam i sigurt që në finale si çdo debat tjetër, si çdo diskutim që kemi pasur, gjithmonë pyetja është që këto ndërtesa tashmë ekzistojnë, pse po bëjmë disa gjëra të reja? Është një dilemë që ne e kishim në një ndërtesë shumë të bukur në Bilevardin “Zogu i I” nga arkitekti Maks Velo, e cila u dëmtua prej tërmetit. Mund të kemi shumë nostalgji për ndërtesa të vjetra edhe mund të kenë lidhur shumë fate njerëzish ato histori dhe ato ndërtesa dhe ato hapësira, megjithatë koha, ndonjëherë fatkeqësia si tërmeti, kërkon që të reflektosh mbi to dhe të sjellësh një realitet të ri. Pra këtu nuk bëhet fjalë për të harruar historinë ose për të mohuar kontributet, këtu bëhet fjalë për të prodhuar një realitet të ri në Tiranën tonë”, përfundoi kreu i Bashkisë.
Komente
C'FSRE KE NE ATSH,,MOR SHJERDHATE...
PërgjigjuZoti kryeminster! A nuk do ishte mire qe ku do jene zyrat te zgjidhen afer nje stacioni treni (50-100m ecje) , afer nje nyje logjistike urbane qe stafi por edhe qytetaret psh te kene mundesi pas 3-4 vjetesh te vijne me tren, psh Tirane - Kashar me tren 7 minuta , pse te mos jene zyrat 50-100 metra nga stacion ndalesa e Kasharit si logjitike , mora shembull Kashar mund te jene ne Domje etj etj pra logjistika e zyrave godinave qeveritare te kete edhe park, parking, Biblioteka dhe zona per femijet sepse vjen nje qytetar por pret aty me femijen tek parku me shatervan ama ta kete stacionin 50-100 metra flas stacionin e trenit meqe ne 2025 mbaron dhe faza hekurudhes deri ne 2027 per 3-4 vjet mbarojne dhe godinat keshtu eliminon trafikun dhe i jep qytetarit (sot shqiptar nese EU ) nje mundesi te vije me tren , pse jo edhe punonjesit kursejne sepse nuk eshte e nevojshme mjeti nese me tren e ke punen pesedhjet hapa larg nga stacioni i punes! Logjistiken duhet tjua vendosesh kusht zoti Rama , pra edhe shteti fiton sepse keto zona qe kalon dhe treni Jane me te lira , Domja Kashari Vora etj etj ama i jep edhe nje frymarrje automjeteve ! Edhe parking meqe Jane godina te reja pse te mos e kene ne project !
PërgjigjuKeni bere gjithe ate bulevard te Ri dhe akoma duket si getot e Rios.qytet pa bulebard dhe ka ,por bulevard pa qytet ne e kemi.Hapeni Tiranen se na moret frymen.Nuk leviz dot as me biciklete lene qe me makine zbohet llaf