Pronari i një lokali në Himarë është vënë nën hetim, pasi vuri muzikë të lartë në lokal pas mesnatës duke shqetësuar pushuesit dhe banorët e zonës.
Gjatë kontrolleve të ushtruara pas mesnatës, në lokalin në pronësi të një 33-vjeçari, në lagjen “Spile”, shërbimet e Policisë konstatuan se ishte vënë muzikë e lartë që shqetësonte banorët dhe pushuesit përreth.
Për pasojë është vënë nën hetim E. A., 33 vjeç, banues në Tiranë, për prishje të qetësisë publike.
Gjithashtu, për këtë rast u sekuestruan pajisjet që gjeneronin muzikën.
Materialet procedurale i kaluan Prokurorisë Vlorë, për veprime të mëtejshme.
Komento
