HIMARË- Zjarri që ka rënë në kodrat e Palasës vijon të jetë aktiv prej tre ditësh. Flakët janë përhapur sërish ditën e sotme pasi favorizohen nga era.
Ndërkohë, në terren janë zjarrfikësit të cilët po punojnë për shuarjen e zjarrit. Në ndihmë të tyre për shuarjen e zjarrit janë bashkuar dhe zjarrfikësit e zonave të mbrojtura, si edhe ushtarë.
Vatra e zjarrit është aktivizuar para tre ditësh në “Zonën e Mbrojtur” Karaburun, poshtë antenës, Palasë, Himarë. Dje u bë ndërhyrja me helikopter për shuarjen e flakëve, por ende nuk është bërë e mundur. Dyshohet se zjarri është shkaktuar pasi ka pasur shkëndija dhe rrufe në këtë zonë. Flakët duken se janë shumë pranë detit, ku gjatë muajit gusht ka mbipopullim nga pushuesit e huaj dhe vendas.
Komento
Komente
Kryeministri mos te pres shirita ne rrugica dhe hale qe ndertohen por te blej dy helikopter per te fikur zjarret se u dogj gjithe vendi
PërgjigjuOr mik, ata e ndezën ti thua pse nuk e shuajnë. Ka zënë pluhur projekti
Samir Mane po hap toka te reja. Ai tuneli kur mbaron meqe ra fjala?
Përgjigju