Arma e zjarrit e sekuestruar

Kronikë

Hodhi nga makina çantën ku mbante armën dhe tentoi të ikte me vrap nga policia arrestohet 19-vjeçari në Vlorë! Në pranga edhe një tjetër

3 Prill, 12:13| Përditesimi: 3 Prill, 12:18

  • Share

Vlorë- Një 19-vjeçar i cili lëvizte me armë zjarri pistoletë me silenciator në makinë është arrestuar në flagrancë nga policia e Vlorës.

Në pranga ka rënë edhe drejtuesi i automjetit, 34 vjeç për moskallëzim krimi. 

Sipas njoftimit të bluve, raportohet se dy të rinjtë u kapën një natë më parë pas një kontrolli rutinë në makinën ‘Benz’ që ata po udhëtonin në aksin rrugor “Orikum-Vlorë”.

Pas ndërhyrjes së policisë i riu ka hedhur çantën ku mbante armën dhe më pas ka tentuar të arratiset, por pa sukses.

Si provë materiale u sekuestrua arma e zjarrit. 

Operacioni u kodua 'Nightfall'.

Njoftimi i policisë:

Në vijim të punës për parandalimin dhe goditjen e veprimtarisë kriminale të armëmbajtjes pa leje, Sektori për Hetimin e Krimeve të Rënda i DVP Vlorë, në bashkëpunim me Seksionin për Mbështetjen Operacionale të Hetimit, bazuar në informacionet e siguruara në rrugë operative, organizuan dhe finalizuan operacionin policor të koduar “Nightfall”.

Gjatë këtij operacioni, në mbrëmje, në aksin rrugor “Orikum-Vlorë”, në Radhimë, është  ndaluar për kontroll një automjet tip “Mercedes Benz” me të cilin qarkullonin 2 shtetas. Në momentin e ndërhyrjes së Policisë, pasagjeri ka hedhur nga automjeti një çantë dhe ka tentuar të largohet me vrap, por është kapur menjëherë nga shërbimet e Policisë.

Gjatë kontrollit në çantën marsup, u gjet një armë zjarri pistoletë me silenciator, e cila u sekuestrua në cilësinë e provës materiale.

Në përfundim të veprimeve, specialistët për Hetimin e Krimeve të Komisariatit të Policisë Vlorë arrestuan në flagrancë shtetasit:

P. K., 19 vjeç, banues në Orikum, për veprën penale “Mbajtja pa leje dhe prodhimi i armëve, armëve shpërthyese dhe i municionit”;

B. K., 34 vjeç, banues në Orikum, për veprën penale “Moskallëzim i krimit”. 

Materialet procedurale iu referuan Prokurorisë, për veprime të mëtejshme.

Xh.K/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?