Aktori i njohur Bujar Kapexhiu gjatë homazheve për Naun Shundin tha për mediat se ai ishte një njeri i rrallë dhe i mrekullueshëm, teksa nga ana tjetër vlerësoi punën dhe dashurinë e tij për teatrin.
“Naun Shundi një aktor i shkëlqyer i skenës dhe ekranit shqiptar. Një njeri i mrekullueshëm dhe një shok i rrallë. Gjithë jetën ia kushtoi teatrit dhe arriti suksese jo vetëm si aktor, por edhe si dramaturg. Pasioni i tij për teatrin bëri që te ndërtonte vet një teatër. U bë shkaku për t’u rritur filizat e rinj të artit shqiptar. Iku nga kjo jetë shumë shpejt, por ka lënë gjëra që do të jenë një shkollë në artin e teatrit dhe kinematografisë. Qoftë i përjetshëm kujtimi i tij”, tha Bujar Kapexhiu.
Lajmi kryesor:
Lamtumirë Naun Shundit, miq e familjarë: Ishte ‘dashnor’ i Teatrit! E bija: Njeri i sakrificave, i dha shumë artit
Xh.K/I.M/ReportTv.al
